ရန်ကုန်မြို့တွင် စစ်ကောင်စီ၏ယာဥ်တန်း သေနတ်ဖြင့်ပစ်ခံရပြီး ရဲတစ်ဦးကျည်ထိမှန်ခဲ့ကြောင်း ဒေသခံသတင်းရင်းမြစ်များက People’s Springသို့ပြောသည်။
ဖြစ်စဥ်မှာ ယနေ့(မေ ၃၀ ရက်)နံနက် ၄နာရီခွဲခန့်က အင်းစိန်မြို့နယ်၊ စော်ဘွားကြီးကုန်းရပ်ကွက်၊ ရန်ကုန် – ပြည်လမ်း စော်ဘွားကြီးကုန်း မီးပွိုင့်အနီးတွင် ဖြစ်ပွားခဲ့ခြင်းဖြစ်သည်။
“ရဲကားနှစ်စီး၊ ပွိုင့်ကားတစ်စီး နဲ့ ဆိုင်ကယ်တစ်စီးပါတယ်။ထိတာက ဆိုင်ကယ်နဲ့ ရဲ တစ်ဦး ထိ သွားတာ”ဟု စော်ဘွားကြီးကုန်းရပ်ကွက် နေသူတစ်ဦးက ရှင်းပြသည်။
အဆိုပါတိုက်ခိုက်ခံရမှုအပြီး အကြမ်းဖက်စစ်ကောင်စီက အင်းစိန်ပန်းခြံအပါအဝင် နီးစပ်ရာ နေရာများတွင်၂နာရီခန့်အကြာ ပိတ်ဆို့စစ် ဆေးမှုများပြုလုပ်ခဲ့ကြောင်းလည်း ၎င်းက ဆိုသည်။
အလားတူ ယမန်နေ့ ညပိုင်းကလည်း ရွှေပြည်သာမြို့နယ် (၇)ရပ်ကွက်ရှိ စစ်ကောင်စီသတင်း ပေးဖြစ်သူ ဦးအောင်စိုးမိုး၏ နေအိမ်ကို ဖောက်ခွဲတိုက်ခိုက်ခဲ့ကြောင်း Shwepyithar Defence Forceက ထုတ်ပြန်ထားသည်။
ထိုတိုက်ခိုက်မှုတွင် ထိခိုက်မှုဖြစ်စဥ်မသိရှိရသေးဘဲ ရဲဘော်များ ဘေးကင်းစွာဆုတ်ခွာနိုင်ခဲ့ကြောင်း အသိပေးသည်။
