စစ်ကိုင်းတိုင်း၊ မုံရွာမြို့ပေါ်တွင် စစ်ဆင်ရေးများပြုလုပ်မည်ဖြစ်၍ ပြည်သူများအနေဖြင့် နေအိမ်ပြင်ပထွက်ခြင်းမပြုကြရန် မြို့ပြပြောက်ကျားအဖွဲ့များက သတိပေးကြေညာသည်။
ယနေ့(မေလ ၃၁ ရက်)နံနက် ၁၀နာရီအချိန်မှစ၍ မုံရွာမြို့နေပြည်သူများ အပြင်လမ်းမပေါ်သို့ မထွက်ကြရန် Monywa UG တပ်ပေါင်းစုများမှ ထုတ်ပြန်သတိပေးသည်။ ထို့အပြင် ပြန်လည်ထွက်ခွင့်ရမည့်အချိန်ကို ထပ်မံအသိပေးပေးသွားမည်ဟု Monywa UG တပ်ပေါင်းစုက ပြော သည်။
ယနေ့နံနက်ပိုင်းက မုံရွာမြို့ ကျောက္ကာလမ်းနှင့် ဇလုပ်ကြားတွင် အကြမ်းဖက်စစ်တပ်က ရမ်းပစ်နေကြောင်း၊ ယမန်နေ့က မုံရွာ – အရာတော်လမ်းပေါ် တိုက်ခိုက်ခံရပြီး အထိအခိုက်များထားသောကြောင့် အင်အား ၄၀ခန့်ဖြင့် ခြေလျင်စစ်ကြောင်းထိုးနေကြောင်း ဒေသခံများက ပြောသည်။
အကြမ်းဖက်စစ်ကောင်စီအား မြို့ပေါ်တွင်ပါ ပြောက်ကျားတိုက်ခိုက်နေသည့် မုံရွာမြို့နယ်တွင်ယခင်ရက်ပိုင်းက အင်တာနက်နှင့်ဖုန်းလိုင်းများပါ ဖြတ်တောက်ပြီး သတင်းအမှောင်ချမှုများ ပြုလုပ်ခဲ့သေးသည်။
