လက်နက်ကိုင်​တော်လှန်​ရေးကို ​အောင်ပွဲရသည်အထိတိုက်ပွဲဝင်​ပေးကြရန်ထားဝယ်​ထောင်မှနိုင်ငံ​ရေးအကျဥ်းသားများ​တောင်းဆို

တော်လှန်ရေးရဲဘော်များအနေဖြင့် စစ်ဘက်ဆိုင်ရာကျင့်ဝတ်၊စည်းကမ်းနှင့်လမ်းညွန်ချက်များကို လိုက်နာကြီး လက်နက်ကိုင်တော်လှန်ရေးကြီး အောင်ပွဲရသည်အထိ တိုက်ပွဲဝင်ပေးကြပါရန် အလေးနက်တောင်းဆိုကြောင်းထားဝယ်အကျဥ်းထောင်ထဲရှိ နိုင်ငံရေးအကျဥ်းသားများက တောင်းဆိုလိုက်သည်။

နွေဦးတော်လှန်ရေးကြီး၏အဓိကအနှစ်သာရသည် ဖက်ဒရယ်ဒီမိုကရေစီ လူ့ဘောင်သစ်နိုင်ငံတော်ကို ရည်ရွယ်တည်ထောင်ကြရန်ဖြစ်သည်ဟုလည်းစာတွင်​ဖော်ပြထားသည်။

စစ်ကောင်စီလက်ပါးစေ အဖွဲ့အစည်းများသည် နွေဦးတော်လှန်ရေးတွင် ဦးဆောင်ပါဝင်နေကြသူများ၏ မိသားစုများကို အသက်အန္တရာယ်ခြိမ်းခြောက် အကျပ်ကိုက်လျှက်ရှိသည်ဟု ထားဝယ်အကျဥ်းထောင်ထဲရှိ နိုင်ငံရေးအကျဥ်းသားများ၏စာတွင်ပါရှိသည်။

PDFခေါင်းဆောင် တစ်ဦးဖြစ်သည့် ကိုအောင်နိုင်၏ မိခင် ဒေါ်ညွန့်လှိုင်ကို စစ်ကောင်စီလက်ပါးစေများက အများပြည်သူရှေ့လူမြင်ကွင်းတွင်ပင် မေ ၂၄ ရက် အကြမ်းဖက်သတ်ဖြတ်ခဲ့သည်ကိုလည်း ထိန့်လန့်ဝမ်းနည်းကြေကွဲရသည်ဟု ၎င်းတို့ကဆိုထားသည်။

ထိုသို့ အကြမ်းဖက်တိုက်ခိုက်မှုများအပါအဝင် မည်သို့သောအကြမ်းဖက်တိုက်ခိုက်မှုမျိုးကို မဆိုပြင်းပြင်းထန်ထန်ဆန့်ကျင် ကန့်ကွက်ရှုံ့ချသည်ဟု ထားဝယ်အကျဥ်းထောင်ထဲရှိ နိုင်ငံရေးအကျဥ်းသားများက ၎င်းတို့၏ သ​ဘောထားကို​ဖော်ပြထားသည်။

ထားဝယ်​ထောင်တွင် နိုင်ငံ​ရေးအကျဥ်းသား ၁၅၈ ဦးရှိပြီး အာဏာသိမ်းစစ်​ကောင်စီကို ဆန့်ကျင်​တော်လှန်​သော​ကြောင့်ဖမ်းဆီးခံထားရခြင်းဖြစ်သည်။