NUGက မိုဘိုင်းငွေပေးချေစနစ် စတင် မိတ်ဆက်မည် သတင်းထွက်ပေါ်လာပြီးနောက် စစ်ကောင်စီက၎င်းတို့ထိန်းချုပ်မထားသည့် မိုဘိုင်းငွေပေးချေမှု စနစ်များကို အသုံးပြုပါက ထောင် ၂ နှစ်နှင့် ငွေဒဏ် သိန်း ၁၀၀၀ ချမှတ်နိုင်သည့် ဥပဒေဖြင့် အရေးယူမည်ဟု စစ်ကောင်စီထိန်းချုပ်ထားသည့် ဗဟိုဘဏ်ကခြိမ်းခြောက်သည်။
အမျိုးသားညီညွတ်ရေးအစိုးရ၏ NUG Pay မိုဘိုင်းငွေပေးချေမှုကို မကြာခင် စတင်သုံးစွဲနိုင်တော့မည်ဟု NUG စီမံကိန်း၊ဘဏ္ဍာရေးနှင့်ရင်းနှီးမြှုပ်နှံမှု ဒုတိယဝန်ကြီး ဦးမင်းဇေယျာဦးက မေလတွင် သတင်းမီဒီယာများကိုပြောကြားခဲ့ပြီးနောက် စစ်ကောင်စီဘက်က ပြည်သူလူထုကို ယခုလိုခြိမ်းခြောက်ခြင်းဖြစ်သည်။
စစ်ကောင်စီက ၎င်းတို့ထိန်းချုပ်ထားသည့်ဗဟိုဘဏ်မှ ခွင့်ပြုထားခြင်း မရှိသည့် Mobile Pay, Mobile Wallet နှင့်ငွေပေးချေမှုလုပ်ငန်းများက အချင်းချင်းငွေသားလွဲပြောင်းခြင်း၊ ကုန်စည်ရောင်းဝယ်မှုများစသည့်တို့တွဲ၍လုပ်ကိုင်နိုင်ကြောင်း လူမှုကွန်ယက်များတွင် ကြေငြာလာသည်ဟုဖော်ပြထားသည်။
စစ်ကောင်စီ၏ ဗဟိုဘဏ်မှခွင့်မပြုသောMobile Pay, Mobile Wallet များကိုအသုံးပြုပါက ငွေရေးကြေးရေးအဖွဲ့အစည်းများဥပဒေပုဒ်မ ၁၇၂ဖြင့်အရေးယူမည်ဟုဆိုသည်။ အဆိုပါဥပဒေအရ တားမြစ်ချက်ကို မလိုက်နာပါက ၂ နှစ်ထက်မပိုသော ထောင်ဒဏ်နှင့် ငွေကျပ် သိန်း ၁,၀၀၀ ကို ချမှတ်နိုင်သည်ဟုပြဌာန်းထားခြင်းဖြစ်သည်။
NUGက တော်လှန်ရေး တစ်နှစ်ကျော်သက်တမ်းအတွင်း ပထမဆုံးငွေကြေးဝန်ဆောင်မှုဆိုင်ရာ အပလီကေးရှင်းကို ထုတ်ပြန်ရန်စီစဉ်နေပြီးထိုဝန်ဆောင်မှုကို၂၀၂၁ နိုဝင်ဘာကလည်းက လူငယ်နည်းပညာရှင်များက ဆောင်ရွက်နေခြင်းဖြစ်သည်။
ထိုငွေပေးချေမှုကိုစနစ်ကို အသုံးပြုရန်အတွက် NUG Pay မိုဘိုင်းငွေပေးချေမှုကိုယ်စားလှယ်ကတစ်ဆင့် ငွေပေးသွင်းမှုများကိုဆောင်ရွက်ရမည်ဖြစ်သည်။ ထိုစနစ်သည် NUG Pay သုံးစွဲသူအချင်းချင်းကြား ငွေလွှဲခြင်း၊ ကုန်စည်ဝယ်ယူခြင်း စသည့်တို့တွင် အသုံးပြုနိုင်မည်ဟုကြေညာထားသည်။
