အလယ်ပိုင်းတိုင်းအထူးစစ်ဆင်ရေးအဖွဲ့မှ ဖယ်ခုံနှင့် ဖရူးဆိုတို့တွင် စစ်ကောင်စီတပ်သား ၃၅ ဦးအထိရှင်းလင်းနိုင်ခဲ့ကြောင်း ယနေ့(ဇွန် ၁၅) တွင်အသိပေးထုတ်ပြန်သည်။
အထူးစစ်ဆင်းရေးစနိုက်ပါအဖွဲ့သည်ဖယ်ခုံနှင့်ဖရူးဆိုမြို့နယ်တို့တွင် မေ ၂၀ မှ ဇွန် ၁၂ အထိ ရက်ပေါင်း ၂၄ ရက်အတွင်း ရန်သူစစ်သားများကိုပစ်ခတ်ရှင်းလင်းနိုင်ခဲ့ခြင်းဖြစ်ကြောင်း
ဖော်ပြထားသည်။
ပစ်ခတ်ရှင်းလင်းမှုများတွင် မေ ၂၀ ရက်က လွယ်ပေါ်စေတီတောင်ပေါ်တပ်စွဲထားသော စစ်ကောင်စီတပ်မှ ခြောက်ဦး၊ ဆီမီးလောရန်သူ့စခန်းဝင်စီးမှုတွင် သုံးဦးဖြင့် တစ်ရက်တည်း ကိုးဦးသုတ်သင်နိုင်ခဲ့သည်ဟုဆိုသည်။
![(အလယ်ပိုင်းတိုင်းအထူးစစ်ဆင်ရေးတပ်ဖွဲ့ဝင်အချို့)](https://i0.wp.com/www.ludunwayoo.com/wp-content/uploads/2022/06/287061176_402814981907960_2128791098211504123_n.jpg?resize=540%2C960&ssl=1)
အလားတူ မေ ၂၁ တွင်လည်း ဆီမီးလောရန်သူ့စစ်စခန်းအား ထပ်မံတိုက်ခိုက်ရာ စစ်ကောင်စီတပ်သား လေးဦးသုတ်သင်နိုင်ခဲ့ပြီး မေ ၂၂ တွင်မူ လွယ်ပါတောင်ခြေစစ်စခန်းမှ တစ်ဦး အသီးသီးသုတ်သင်နိုင်ခဲ့ကြောင်း ထုတ်ပြန် သည်။
ဇွန်လအတွင်း တိုက်ခိုက်မှုများတွင် ဇွန် ၇ ရက်ကဆီမီးလောရန်သူ့စခန်းကို တတိယအကြိမ်ဝင်ပစ်ရာ စစ်ကောင်စီတပ်သား ခြောက်ဦးသေပြီးဇွန်၁၀ရက်တိုက်ခိုက်မှုတွင်လဟယ်ကျေး ရွာနှင့်လွယ်မကူးတောင် ရန်သူစခစခန်းများမှစစ်ကောင်စီတပ်သားရှစ်ဦးကိုရှင်းလင်းနိုင်ခဲ့သည်ဟု ဆိုသည်။
![(အလယ်ပိုင်းတိုင်းအထူးစစ်ဆင်ရေးတပ်ဖွဲ့ဝင်အချို့)](https://i0.wp.com/www.ludunwayoo.com/wp-content/uploads/2022/06/287284354_402815011907957_3727079094228855234_n.jpg?resize=720%2C324&ssl=1)
ဇွန်၁၁ရက်နှင့် ၁၂ ရက်နေ့များတွင် ဒေါညေခူကျေးရွာသို့ စစ်ကြောင်းထိုးလာသောရန်သူ့တပ်အားစနိုက်ပါဖြင့်ပစ်ခတ်တိုက်ခိုက်ခဲ့ရာ ရန်သူ့တပ်သားခုနစ်ဦးကို သုတ်သင်နိုင်ခဲ့ခြင်းဖြစ်ကြောင်းဖော်ပြသည်။
အထူးစစ်ဆင်ရေးအဖွဲ့၏ စနိုက်ပါစစ်ဆင်ရေးများကိုဒေသခံညီနောင်မဟာမိတ်အဖွဲ့များနှင့်ပူးပေါင်းဆောင်ရွက်ခဲ့ပြီး စစ်ဆင်ရေးဗျူဟာများအရ သတင်းများကို အချိန်နှင့်တပြေးညီမထုတ်ပြန်ခဲ့ခြင်းဖြစ်ကြောင်း အသိပေးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)