အမျိုးသားညီညွတ်ရေးအစိုးရ(NUG)၏ တောင်ပိုင်းတိုင်းစစ်ဒေသကွပ်ကဲရေးအဖွဲ့၏လက်အောက်ရှိသော နဂါးနီစစ်ကြောင်း တပ်ခွဲ(၁)တွင် ဒေါ်အောင်ဆန်းစုကြည်မွေးနေ့ပွဲပြုလုပ်ခဲ့ပြီး ရဲဘော်များက မွေးနေ့လက်ဆောင်အဖြစ် ဒိုက် ၇၇ ကြိမ်ထိုးသည့် ဂုဏ်ပြုလှုပ်ရှားမှုပြုလုပ်ခဲ့သည်။
ယင်းစခန်းမှ ရဲဘော်များသည် ယနေ့ နေ့လည်တွင် ဒေါ်အောင်ဆန်းစုကြည်၏ ရုပ်ပုံပါသည့် မွေးနေ့ကိတ်ခွဲခဲ့ကာ မွေးနေ့ဆုတောင်းပေးခဲ့ပြီး ပန်းသပိတ်လည်းဆင်နွဲခဲ့ကြောင်း ယင်းစခန်းမှတာဝန်ရှိသူကပြောသည်။
![နဂါးနီစစ်ကြောင်း တပ်ခွဲ(၁)ရဲဘော်များ](https://i0.wp.com/www.ludunwayoo.com/wp-content/uploads/2022/06/signal-2022-06-19-202331_004.jpeg?resize=880%2C554&ssl=1)
![နဂါးနီစစ်ကြောင်း တပ်ခွဲ(၁)ရဲဘော်များ](https://i0.wp.com/www.ludunwayoo.com/wp-content/uploads/2022/06/signal-2022-06-19-202331_003.jpeg?resize=880%2C660&ssl=1)
“ညီမတို့ တပ်ခွဲထုံးစံက ရဲဘော်တွေရဲ့မွေးနေ့မှာ သူ့အသက် ၂၅ဆို အချက်ရေ ၂၅ ချက်ထိုးပေးတယ်။ ရဲဘော်အချင်းချင်း ချစ်ခြင်းမေတ္တာကိုပြတဲ့သဘောပါ။ ပုံမှန်ဆို ဒိုက်ထိုးပျင်းတဲ့ ရဲဘော်တွေတောင် မွေးနေ့ရှင်ရဲဘော်အတွက် ဒိုက်အချက်အရေပြည့်အောင်ထိုးပေးတယ်။ ညီမတို့ပေးတဲ့ လက်ဆောင်က ခွန်အားသုံးပြီးပေးတဲ့ လက်ဆောင်မို့ ပကာသနမပါတဲ့ ရိုးရှင်းတဲ့ လက်ဆောင်ပါ”ဟု ယင်းတပ်ခွဲမှ ရဲဘော် အမျိုးသမီးတစ်ဦးက ပြောသည်။
![နဂါးနီစစ်ကြောင်း တပ်ခွဲ(၁)ရဲဘော်များ](https://i0.wp.com/www.ludunwayoo.com/wp-content/uploads/2022/06/signal-2022-06-19-203226_001.jpeg?resize=750%2C1000&ssl=1)
“ပြည်သူ့အတွက်ထားတဲ့ အမေ့ရဲ့စေတနာမေတ္တာတရားတွေ စွန့်လွှတ်အနစ်နာခံမှုများကိုလေးစားဦးညွှတ်လျက် ယနေ့ကျရောက်တဲ့ အမေ့ရဲ့မွေးနေ့အတွက် တစ်တိုင်းပြည်လုံးကပြုလုပ်ပေးသော ပန်းသပိတ်နှင့်အတူ အနာဂတ်မျိုးဆက်အတွက် ကျွန်တော်တို့ ကျောတွေကို လမ်းခင်းထားပေးလျက်ပါအမေ။ အမေ မတရားချုပ်နှောင်မှုများမှ အမြန်ဆုံးလွတ်မြောက်ပြီး သက်တော်ရာကျော်ရှည်ပါစေ။Happy Birthday ပါအမေ “ဟု ရဲဘော်တစ်ဦးက မွေးနေ့ရှင်အတွက် ဆုတောင်းပေးသည်။
![နဂါးနီစစ်ကြောင်း တပ်ခွဲ(၁)ရဲဘော်များ](https://i0.wp.com/www.ludunwayoo.com/wp-content/uploads/2022/06/5.jpg?resize=880%2C1173&ssl=1)
![နဂါးနီစစ်ကြောင်း တပ်ခွဲ(၁)ရဲဘော်များ](https://i0.wp.com/www.ludunwayoo.com/wp-content/uploads/2022/06/6.jpg?resize=880%2C660&ssl=1)
![နဂါးနီစစ်ကြောင်း တပ်ခွဲ(၁)ရဲဘော်များ](https://i0.wp.com/www.ludunwayoo.com/wp-content/uploads/2022/06/7.jpg?resize=880%2C660&ssl=1)
![နဂါးနီစစ်ကြောင်း တပ်ခွဲ(၁)ရဲဘော်များ](https://i0.wp.com/www.ludunwayoo.com/wp-content/uploads/2022/06/8.jpg?resize=880%2C660&ssl=1)
![နဂါးနီစစ်ကြောင်း တပ်ခွဲ(၁)ရဲဘော်များ](https://i0.wp.com/www.ludunwayoo.com/wp-content/uploads/2022/06/2.jpg?resize=880%2C660&ssl=1)
ဇွန်လ ၁၉ ရက်တွင် ကျရောက်သည့် ဒေါ်အောင်ဆန်းစုကြည်မွေးနေ့ အတွက် မွေးနေ့ရှင်မပါသော်လည်း မွေးနေ့ပွဲများကို နေရာအနှံ့အပြား၌ ကျင်းပပေးခဲ့သည်။
ထို့အပြင် လူမှုကွန်ရက်စာမျက်နှာများတွင်လည်း ဒေါ်အောင်ဆန်းစုကြည်အပါအဝင် မတရားဖမ်းဆီးခံထားရသူများလွတ်မြောက်ရေးအတွက် ဆုတောင်းပေးသည့် လှုပ်ရှားမှုကိုလည်းပြုလုပ်ခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)