မကွေးတိုင်း ဆောမြို့နယ်အတွင်း ဝင်ရောက်လာသည့် စစ်ကောင်စီတပ်များကို ဇွန်လ ၂၇ရက်နှင့် ၂၈ရက်တို့တွင် တိုက်ခိုက်ခဲ့ကြောင်း ဆောမြို့နယ်ပြည်သူ့ကာ ကွယ်ရေးတပ်(PDF)က သတင်းထုတ်ပြန်သည်။
ဇွန်လ ၂၇ရက်တွင် ပေါက်မြို့နယ်ဘက်မှ ဆောမြို့နယ် ကျောက်ထုဒေသ မန်းပုံတောင်သို့ စစ်ကောင်စီနှင့် ပျူစောထီး အင်အား ၁၂၀ခန့် ကျူးကျော်ဝင်ရောက်လာရာ ဒေသခံ PDFများ ထောင်ထားသည့် မိုင်းမိပြီး စစ်ကောင် စီဘက်က တစ်ဦး ထိခိုက်ဒဏ်ရာရခဲ့သည်ဟု ဖော်ပြထားသည်။
ဇွန်လ ၂၈ရက်တွင်လည်း ဆောမြို့နယ် ငှက်ကြီးဦးရွာမှကျောက်လိပ်ရွာသို့ ဆုတ်ခွာသွားသည့် စစ်ကောင်စီတပ်များကို ယောချောင်းဖြတ်ကူးနေစဉ် ကာကွယ်ရေးပူးပေါင်းတပ်မှ လက်နက်ကြီး လက်နက်ငယ်များဖြင့် တိုက်ခိုက်ခဲ့ရာ နာရီဝက်ကြာ အပြန်အလှန်ပစ်ခတ်မှု ဖြစ်ခဲ့သည်ဟု ဆိုသည်။
ယင်းတိုက်ခိုက်မှုကို PDF-SAW တပ်ရင်း(YRPA) ကျောက်ထုPDF(YRPA) ပေါက်တောင်ပိုင်းပျောက်ကြားတပ်ဖွဲ့(SPGF)ညောင်ရမ်းPDF, The Youth Force (Saw&Kyaukhtu) ပူးပေါင်းတပ်ဖွဲ့တို့ ပူးပေါင်းဆောင်ရွက်ခဲ့ခြင်းဖြစ်သည်ဟု ဖော်ပြထားသည်။
တိုက်ပွဲအတွင်း စစ်ကောင်စီနှင့် ပျူစောထီးများ၏ ထိခိုက်သေဆုံး အခြေအနေကို ဖော်ပြမထားသော် လည်း ပူးပေါင်းတပ်ဖွဲ့မှ ထိခိုက်မှုမရှိကြောင်း ဖော်ပြထားသည်။
