စစ်ကောင်စီအား အမြစ်ဖြတ်တိုက်ခိုက်မည့် တိုက်ပွဲများ မကြာမီအချိန်အတွင်းရောက်ရှိလာတော့မည်ဟု သပိတ်ကျင်းပြည်သူ့ကာကွယ်ရေးတပ်ဖွဲ့က ထုတ်ပြန်လိုက်ပြီး တပ်ဖွဲ့ဝင်အများအပြား စစ်ရေးလေ့ကျင့်နေသည့် မှတ်တမ်းဓာတ်ပုံများကို ထုတ်ဖော်ပြသလိုက်သည်။
တောတွင်းတစ်နေရာတွင် စစ်ရေးလေ့ကျင့်နေသည့် မှတ်တမ်းဓာတ်ပုံများကို ဇူလိုင် ၂ရက်တွင် ထုတ်ဖော်ပြသလိုက်ခြင်းဖြစ်ပြီး အာဏာရှင်စနစ် အပြီးတိုင် အမြစ်ပျက်ချေမှုန်းနိုင်သည်အထိ တိုက်ပွဲများဆင်နွှဲသွားမည်ဖြစ်ကြောင်း လူထုအား အသိပေးထားသည်။
![ဓာတ်ပုံ - သပိတ်ကျင်း PDF](https://i0.wp.com/www.ludunwayoo.com/wp-content/uploads/2022/07/290922283_415339590655499_1047796690080588246_n.jpg?resize=880%2C658&ssl=1)
![ဓာတ်ပုံ - သပိတ်ကျင်း PDF](https://i0.wp.com/www.ludunwayoo.com/wp-content/uploads/2022/07/290728485_415339667322158_8461159349286724193_n.jpg?resize=880%2C658&ssl=1)
” သပိတ်ကျင်း(PDF)အဖြစ် ယခုလို မြင်တွေ့ရတာဟာ မိဘပြည်သူများရဲ့ ကူညီပံ့ပိုးမှု့တွေကြောင့် ဖြစ်လာခဲ့တာပါ။မကြာမီအချိန်အတွင်းမှာ မိဘပြည်သူများ မျှော်လင့်ထားသလို အနိုင်တိုက်မဲ့ တိုက်ပွဲတွေ ရောက်ရှိလာတော့မှာဖြစ်ပါတယ်”ဟု သပိတ်ကျင်းပြည်သူ့ကာကွယ်ရေးတပ်ဖွဲ့က ပြောကြားထားသည်။
![ဓာတ်ပုံ - သပိတ်ကျင်း PDF](https://i0.wp.com/www.ludunwayoo.com/wp-content/uploads/2022/07/291721099_415339627322162_5019655979563234062_n.jpg?resize=880%2C658&ssl=1)
သပိတ်ကျင်းပြည်သူ့ကာကွယ်ရေးတပ်ဖွဲ့သည် အမျိုး သားညီညွတ်ရေးအစိုးရ၊ ကာကွယ်ရေးဝန်ကြီးဌာန၏ လက်အောက်တွင် ဖွဲဲစည်းထားသည့် ပြည်သူ့ကာကွယ် ရေးတပ်ဖွဲ့ဖြစ်ပြီး ၂၀၂၁ မေလ ၂၀ရက်တွင် စတင်ဖွဲ့စည်းခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)