မန္တလေးတိုင်း မိတ္ထီလာမြို့ပေါ်က NLD ပါတီဝင်တွေ ပိုင်ဆိုင်ဆိုင်တဲ့စီးပွားရေးလုပ်ကိုင်ရာနေရာတွေကို သွေးသောက်အမည်ခံအဖွဲ့ ဗုံးထောင်ဖျက်ဆီးတာတွေ လုပ်ဆောင်နေတယ်လို့သိရပါတယ်။
မနေ့က ဇူလိုင်လ ၂ ရက် ညပိုင်းက မိတ္ထီလာမြို့ ရန်မျိုးအောင်ရပ်ကွက် နယ်မြေ ( ၄ ) မှာရှိတဲ့ မင်းခန့်ကျော် ကွမ်းယာဆိုင်၊နယ်မြေ ( ၅ ) မှာရှိ ရူပါရုံ အလှပြင်ဆိုင်၊ နန်းတော်ကုန်းရပ်ကွက် ထောင်ကြီးတိုက်တန်းမှာရှိတဲ့ ကွင်းအင်ပါယာအလှပြင်ဆိုင်တို့မှာ ဖောက်ခွဲဖျက်ဆီးမှုတွေပြုလုပ်ခဲ့တာပါ။
![မိတ္ထီလာမှာ သွေးသောက်အဖွဲ့အမည်ခံအဖွဲ့ ဈေးဆိုင်တွေကို ဗုံးထောင်ဖျက်ဆီး](https://i0.wp.com/www.ludunwayoo.com/wp-content/uploads/2022/07/292040521_415550363967755_8331786172166831849_n.jpg?resize=880%2C407&ssl=1)
![မိတ္ထီလာမှာ သွေးသောက်အဖွဲ့အမည်ခံအဖွဲ့ ဈေးဆိုင်တွေကို ဗုံးထောင်ဖျက်ဆီး](https://i0.wp.com/www.ludunwayoo.com/wp-content/uploads/2022/07/292004183_415550353967756_2409291177389538480_n.jpg?resize=880%2C407&ssl=1)
ဖောက်ခွဲခံရတဲ့နေရာတွေဟာ NLD ပါတီဝင်တွေပိုင်ဆိုင်တဲ့လုပ်ငန်းတွေလည်းဖြစ်ပါတယ်။ ဒီလို ဖောက်ခွဲဖျက်ဆီးတဲ့အကြောင်းကို အာဏာသိမ်းစစ်အုပ်စု ကို လော်ဘီလုပ်နေတဲ့ တယ်လီဂရမ်ချန်နယ်တွေမှာ ဖော်ပြတာတွေ့ရပါတယ်။
ဖျက်ဆီးခံရတဲ့နေရာတွေမှာ သွေးသောက်အဖွဲ့ အနီရောင် စစ်ဆင်ရေး တံဆိပ်ပါတဲ့ စတေကာတွေ ကပ်ထားခဲ့တယ်လို့ လည်းသိရပါတယ်။
![မိတ္ထီလာမှာ သွေးသောက်အဖွဲ့အမည်ခံအဖွဲ့ ဈေးဆိုင်တွေကို ဗုံးထောင်ဖျက်ဆီး](https://i0.wp.com/www.ludunwayoo.com/wp-content/uploads/2022/07/292011054_415550430634415_8475305889051973166_n.jpg?resize=473%2C1024&ssl=1)
ပြီးခဲ့တဲ့ ဧပြီလထဲကစပြီး မန္တလေးမှာ သွေးသောက်အမည်ခံအဖွဲ့ စတင်ပေါ်ပေါက်လာပြီး NLD ပါတီဝင်တွေ ၊ ပါတီကိုဝန်းရံသူတွေကို ဖမ်းဆီးသတ်ဖြတ် အလောင်းစွန့်ပစ်တာတွေလုပ်ဆောင်ခဲ့ပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)