●ထောက်ပို့အတွက်စစ်တပ်ပိုင်စက်သုံးဆီများဟုဒေသခံအချို့ပြောသလို၊ ပုဂ္ဂလိကပိုင်ဆီများဟုအချို့လည်းပြောနေ
မုံရွာမြို့၊ ချင်းတွင်းမြစ်ဆိပ်ကမ်းတွင်ယနေ့နံနက်ကစတင်လောင်ကျွမ်းခဲ့သောစက်သုံးဆီတင်တွဲမီးလောင်ကျွမ်းမှုကို နေခင်းပိုင်းအထိ့မီးမထိန်းနိုင်၍ မြစ်လယ်အတိုင်းမျှောလိုက်ရာ ယနေည ၁၁ နာရီတွင်မှ ဆားလင်းကြီးမြို့နယ် လက်ပတောင်းတောင်အနီးမြစ်တစ်နေရာတွင် မိုးရွာသွန်းပြီးနောက်ငြိမ်းသွားကြောင်း မုံရွာသတင်းမှန်ပြန်ကြားရေးကသတင်းထုတ်ပြန်သည်။
![ရေပေါ်တွင်အရှိန်ပြင်းစွာလောသ်ကျွမ်းစဥ်။ ဓါတ်ပုံ-လေလွှင့်သူ](https://i0.wp.com/www.ludunwayoo.com/wp-content/uploads/2022/07/293320464_420641486791976_1122142417997903880_n.jpg?resize=880%2C396&ssl=1)
ဆီပေပါအလုံး ၁၀၀၀ ကျော်ပါ ဖလက်တစ်စီး(ဆီတင်တွဲကြီး) မီးလောင်းကျွမ်းမှုကို စစ်ကောင်စီ၏မီးသတ်တပ်ဖွဲ့ကငြှိမ်းသတ်ရန်ကြိုးစားသော်လည်း မထိန်းနိုင်ဘဲ မွန်းလွှဲပိုင်းတွင် ချင်းတွင်မြစ်လယ်မှအောက်သို့မျှောလိုက်သည်။
မျှောချလိုက်ပြီးနောက်ညနေပိုင်းတွင်မီးငြိမ်းသွားရာမှည ၉ နာရီ ၅၀ မိနစ်တွင် ဆားလင်းကြီးမြို့နယ် ၊လက်ပံတောင်းတောင်အနီးမြစ်ထဲ တနေရာမှာ ဆက်လက် မီးအားကောင်းစွာ လောင်ကျွမ်းခဲ့ကြောင်း မုံရွာသတင်းမှန်ပြန်ကြားရေးကသတင်းဓါတ်ပုံနှင့်တစ်ကွဖော်ပြသည်။
![မီးကိုထိန်းမရသောအခါဆီတင်တွဲကိုမြစ်လယ်မှအောက်သို့မျှောချခဲ့သည်။ ။ဓါတ်ပုံ-လေလွင့်သူ](https://i0.wp.com/www.ludunwayoo.com/wp-content/uploads/2022/07/291833280_420641536791971_4774344215293556700_n.jpg?resize=880%2C405&ssl=1)
“၁၁ နာရီ(ဇူလိုင် ၁၀ ) အချိန်မှာ မီးများ ငြိမ်းသွားပြီး မိုးများလည်း ရွာလျှက်ရှိတယိလို့ သတင်းရရှိပါတယ်” ဟုမုံရွာမြို့နယ်သတင်းမှန်ပြန်ကြားရေးကဆက်လက်အသိပေးသည်။
![စက်သုံးဆီများဖြစ်၍ မီးလောင်အားအလွန်ကောင်းခဲ့သည်။ ဓါတိပုံ-လေလွင့်သူ](https://i0.wp.com/www.ludunwayoo.com/wp-content/uploads/2022/07/291783351_420641566791968_5811147881938760592_n.jpg?resize=880%2C392&ssl=1)
မီးစတင်လောင်ကျွမ်းသည့်အကြောင်။အရင်းကို ဒေသခံအချို့နှင့် မီဒီယာအချို့က 929 ဆပ်ကမ်းတွင်ဆီတင်တွဲနှစ်စီးဆီတင်ရာမှ မီးစတင်လောင်ကျွမ်းပြီး ပုဂ္ဂလိကပိုင်စက်သုံးဆီတင်ဖလက်များဟုပြောဆိုရေးသားကြသည်။သို့သော် ဒေသခံအချို့က အဆိုပါစက်သုံးဆီများမှာ စစ်ကောင်စီတပ်အတွက် ထောက်ပို့ရန် စက်သုံးဆီများဖြစ်ကြောင်းပြောသည်။မြို့ပြပြောက်ကျားနှင့်PDF များကို စစ်ကောင်စီတပ်ကသေနတ်ဖြင့်လိုက်လံပစ်ခတ်ရင်းမီးစတင်လောင်ကျွမ်းသည်ဟုကြားသိရကြောင်းလည်းဒေသခံတစ်ဦးကလည်းပြောသည်။
![မီးကိုထိန်းမရသောအခါဆီတင်တွဲကိုမြစ်လယ်မှအောက်သို့မျှောချခဲ့သည်။ ။ဓါတ်ပုံ-လေလွင့်သူ](https://i0.wp.com/www.ludunwayoo.com/wp-content/uploads/2022/07/292849579_420641746791950_3363803799758921433_n.jpg?resize=880%2C660&ssl=1)
မီးစတင်လောင်ကျွမ်းသည့်အကြောင်းအရင်းနှင့်စစ်ကောင်စီ၏ စက်သုံးဆီများဟုတ်၊ မဟုတ်ကို People’s Spring ကသီးခြားအတည်မပြုနိုင်သေးပါ။
သို့သော်ယနေ့ မုံရွာဆိပ်ကမ်းတွင်ဆီတင်တွဲ မီးလောင်ကျွမ်းနေစဥ် အရပ်ဝတ်ဖြင့် လူမိုက်ပုံစံ အမျိုးသားအချို့က မီးလောင်သည်ကို လာရောက်အကဲခပ်နေသည်ကိုတွေ့ရကြောင်းဒေသခံအချို့ကပြောသည်။ အချို့မှာတုတ်၊ ဓါးများပါသည်ကိုတွေ့ရကြောင်းလည်းဒေသခံတစ်ဦးကပြောသည်။
![လက်ပတောင်းတောင်အနီး ချင်းတွင်းမြစ်လယ်တစ်နေရာတွင် ဇွန် ၁၀ ည ၁၀ နာရီဝန်းကျင်တွင်မီးပြန်လောင်နေစဥ်။ ဓါတ်ပုံ-မုံရွာမြို့သတင်းမှန်ပြန်ကြားရေး](https://i0.wp.com/www.ludunwayoo.com/wp-content/uploads/2022/07/291790675_420641640125294_5211124522516743339_n.jpg?resize=720%2C815&ssl=1)
ဆီပေပါပေါင်းများစွာမီးလောင်ကျွမ်းခြင်းဖြစ်၍ မီးခိုးလုံးကြီးကို မြို့နေရာအနှံမှမြင်တွေ့ရပြီး ။ မုံရွာမြို့ခံ ပြည်သူများက မြို့သို့မီးကူးစက်လောင်ကျွမ်းမည်ကို စိုးရိမ်ခဲ့ကြသည်။
ဓါတ်ပုံ-လေလွှင့်သူ၊သုခဟိတနာရေးကူညီမှုအသင်း ၊မုံရွာမြို့သတင်းမှန်ပြန်ကြားရေး
![](https://i1.wp.com/ludunwayoo.com/wp-content/uploads/2021/08/banner-logo1-50px.png)