ဒီနေ့မနက်ပိုင်း ၉ နာရီခန့်က မန္တလေးတိုင်း ၊ ပုသိမ်ကြီးမြို့မှာ မီးလိုက်ဖြတ်တဲ့ စစ်ကောင်စီရဲ့ ကား တိုက်ခိုက်ခံရပြီး ထိခိုက်ဒဏ်ရာရမှုတွေရှိခဲ့တယ်လို့ဒေသခံအချို့ဆီကသိရပါတယ်။
စစ်ကောင်စီရဲ့ကားဟာ ပုသိမ်ကြီးမြို့ထဲကိုအဝင် ဦးလှထွန်း ကင်ဆာဖောင်ဒေးရှင်း အနီးအနားမှာ ဗုံးနဲ့ တိုက်ခိုက်ခံရတာပါ။
ပေါက်ကွဲမှုဟာ ၂ ကြိမ်ဖြစ်ခဲ့တာဖြစ်ပြီး EPC ဝန်ထမ်း ၊ ယာဉ်မောင်းနဲ့ လုံခြုံရေးလိုက်ပါလာတဲ့ စစ်ကောင်စီတပ်ဖွဲ့ဝင် ဒဏ်ရာရသွားပါတယ်။
ပေါက်ကွဲမှုဖြစ်ချိန်မှာ လမ်းသွားလမ်းလာ သံဃာတစ်ပါးလည်း ထိခိုက်ဒဏ်ရာရပေမယ့် မစိုးရိမ်ရဘူးလို့သိရပါတယ်။
ဒဏ်ရာရသူတွေကိုစစ်ကောင်စီက မန္တလေးနန်းတွင်းဆေးရုံကိုသယ်ဆောင်ကာကုသမှုပေးနေတယ်လို့လည်းသိရပါတယ်
