မန္တလေးမြို့ ပုသိမ်ကြီးတွင် ပျူစောထီးနှင့် စစ်ကောင်စီတပ်များလိုက်ပါလာသော ယာဥ်တစ်စီးကို မိုင်းဆွဲတိုက်ခိုက်ခဲ့ရာ စစ်ကောင်စီတပ်ဘက်မှ ငါးဦးထိခိုက်မှုရှိကြောင်း မြို့ပြပြောက်ကျားတပ်ဖွဲ့ Generation Z Power(GZP)က ယနေ့(ဇူလိုင် ၂၂)ထုတ်ပြန်သည်။
ယနေ့နံနက် ၉ နာရီခန့်က ပုသိမ်ကြီးမြို့အဝင် ဦးလှထွန်းကင်ဆာဖောင်ဒေးရှင်းအနီး အကြမ်းဖက်စစ်ကောင်စီတပ်နှင့် ပျူတောထီးများလိုက်ပါလာသော ဒိုင်နာယာဥ်တစ်စီးကို GZP နှင့် ပုသိမ်ကြီး(ပကဖ)တို့ပူးပေါင်းပြီး ပဒေသာမိုင်းနှစ်လုံးဖြင့် ဖောက်ခွဲတိုက်ခိုက်ခဲ့ကြောင်း ဖော်ပြသည်။
အဆိုပါတိုက်ခိုက်မှုတွင် အကြမ်းဖက်စစ်ကောင်စီတပ်နှင့် ပျူငါးဦးထိခိုက်ဒဏ်ရာရသွားပြီး သေတုံးမှုများလည်းရှိနိုင်ကြောင်း ထုတ်ပြန်သည်။
“(ယာဥ်)အတော်လေး ပျက်စီးသွားပါတယ်။ ကားပေါ်မှာ စခတွေအပြင် ပျူတွေပါ ပါပါတယ်ခင်ဗျ။ ပျူတွေမှာလက်လုပ်သေ နတ်တွေပါ ပါတယ်လို့ယူဆရပါတယ်”ဟု GZP မှ တော်လှန် ရေးရဲဘော်တစ်ဦးက ပြောသည်။
အထက်ပါတိုက်ခိုက်မှုဖြစ်စဥ်အတွင်း စစ်ရေးလှုပ်ရှားမှုလုပ် ဆောင်သည့်အနီးသို့ ရဟန်းတစ်ပါးရောက်ရှိလာရာ ထိခိုက်မှုအနည်းငယ်ရှိခဲ့ပြီး ယင်းဖြစ်စဥ်အတွက် အနူးအညွတ်တောင်းပန်ကြောင်း ဖော်ပြသည်။
ယခုတိုက်ခိုက်မှုပြုလုပ်မည့် စစ်ရေးစ်ရှင်ကို ပြီးခဲ့သည့်ရက်ပိုင်းကတည်းကပြင်ဆင်ခဲ့ခြင်းဖြစ်သော်လည်းဒလန်သတင်းပေးမှုကြောင့် ပစ္စည်းများပြန်သိမ်းကာ နောက်တစ်ကြိမ်ထပ်မံပြင်ဆင်ခဲ့ရခြင်းဖြစ်ကြောင်းလည်းသိရသည်။
အကြမ်းဖက်စစ်ကောင်စီတပ်နှင့် ၎င်း၏ထောက်တိုင်များအား ပစ်မှတ်ထားတိုက်ခိုက်ရာတွင် ပြည်သူများအနေဖြင့် ၎င်းတို့နှင့် အနီးကပ်သွားလာနေထိုင်ခြင်းမပြုကြရန်နှင့် ဝေးဝေးမှရှောင်ရှားသွားလာကြရန် တော်လှန်ရေးအင်အားစုများမှ အမြဲမပြတ်သတိပေးလျက်ရှိသည်။
