ဒီမိုကရေစီအရေးတက်ကြွလှုပ်ရှားသူတွေကို စစ်ကောင်စီက ကွပ်မျက်တဲ့လုပ်ရပ်ကြောင့် မြန်မာဟာ နိုင်ငံတကာအသိုင်းအဝိုင်းမှာ ပိုပြီးအထီးကျန်လာလိမ့်မယ်လို့ ဂျပန်နိုင်ငံခြားရေးဝန်ကြီး ယိုရှီမာဆာဟာယာရှီက ဒီနေ့မှာ ပြောလိုက်ပါတယ်။
ဒီကွပ်မျက်မှုဟာ မြန်မာနိုင်ငံက အခြေအနေတွေကို ငြိမ်းချမ်းစွာဖြေရှင်းဖို့နဲ့ ထိန်းသိမ်းထားသူတွေကို လွှတ်ပေးဖို့ ဂျပန်နိုင်ငံရဲ့ တောင်းဆိုချက်နဲ့လည်း ဆန့်ကျင်ရာရောက်တယ်လို့ ဂျပန်နိုင်ငံခြားရေးဝန်ကြီးက ပြောပါတယ်။
စစ်ကောင်စီဟာ ကိုဂျင်မီ၊ ကိုဇေယျာသော် အပါအဝင် ၄ ဦးကို သေဒဏ်စီရင်လိုက်တယ်လို့ဒီနေ့မနက်ပိုင်းက ထုတ်ပြန်ကြေညာလာတာပါ။
စစ်ကောင်စီရဲ့ လုပ်ရပ်အပေါ် နိုင်ငံတကာအသိုင်းအဝိုင်းအနေနဲ့ ထိရောက်တဲ့ တုံ့ပြန်မှု လုပ်ကြဖို့ ကုလသမဂ္ဂရဲ့ မြန်မာနိုင်ငံဆိုင်ရာလူ့အခွင့်အရေးအထူးကိုယ်စားလှယ်ကလည်းတောင်းဆိုထားပါတယ်။
