NUGကို မြန်မာနိုင်ငံ၏ တရားဝင်အစိုးရအဖြစ် သတ်မှတ်ကြောင်း The Australian Greens ပါတီကြေညာ
အမျိုးသားညီညွတ်ရေးအစိုးရ၏ ဩစတြေးလျနိုင်ငံဆိုင်ရာ ကိုယ်စားလှယ်ရုံးဖွင့်ပွဲကို ယမန်နေ့ ညနေပိုင်းတွင် ရုံးခန်းတည်ရှိရာ မြို့တော်ကင်ဘာရာ၌ ကျင်းပခဲ့သည်။
အခမ်းအနားသို့ သြစတြေးလျ နိုင်ငံခြားရေးဝန်ကြီးဌာန၏ ထိပ်တန်းအရာရှိကြီးများ၊ နယူးဇီလန်နိုင်ငံ၏ သြစတြေးလျနိုင်ငံဆိုင်ရာ ဒုတိယမဟာမင်းကြီး၊ ဩစတြေးလျ လွှတ်တော်အမတ်များ တက်ရောက်ခဲ့ကြသည်။
![NUG ကိုယ်စားလှယ်ရုံး ဩစတြေးလျ တရားဝင်ဖွင့်လှစ်](https://i0.wp.com/www.ludunwayoo.com/wp-content/uploads/2022/08/297413892_437127811810010_8875242720966946108_n.jpg?resize=720%2C960&ssl=1)
![NUG ကိုယ်စားလှယ်ရုံး ဩစတြေးလျ တရားဝင်ဖွင့်လှစ်](https://i0.wp.com/www.ludunwayoo.com/wp-content/uploads/2022/08/296819511_437127691810022_4401832984285863244_n.jpg?resize=720%2C960&ssl=1)
အခမ်းအနားတွင် သြစတြေးလျ၏ အင်အားကြီးပါတီတခုဖြစ်သည့် The Australian Greens ပါတီက အမျိုးသားညီညွတ်ရေးအစိုးရအား မြန်မာနိုင်ငံ၏ တရားဝင်အစိုးရအဖြစ် သတ်မှတ်ကြောင်း ကြေညာခဲ့သည့်အပြင် သြစတြေးလျ၏ အခြားနိုင်ငံရေးပါတီများကလည်း အလားတူ အသိမှတ်ပြုကြောင်း ကြေညာကြရန် တိုက်တွန်းခဲ့ကြောင်း ဩစတြေးလျကိုယ်စားလှယ်ရုံးက သတင်းထုတ်ပြန်သည်။
![NUG ကိုယ်စားလှယ်ရုံး ဩစတြေးလျ တရားဝင်ဖွင့်လှစ်](https://i0.wp.com/www.ludunwayoo.com/wp-content/uploads/2022/08/296081471_437127748476683_2832962275871200340_n.jpg?resize=880%2C660&ssl=1)
![NUG ကိုယ်စားလှယ်ရုံး ဩစတြေးလျ တရားဝင်ဖွင့်လှစ်](https://i0.wp.com/www.ludunwayoo.com/wp-content/uploads/2022/08/296870243_437127518476706_2475410542031338746_n.jpg?resize=880%2C660&ssl=1)
![NUG ကိုယ်စားလှယ်ရုံး ဩစတြေးလျ တရားဝင်ဖွင့်လှစ်](https://i0.wp.com/www.ludunwayoo.com/wp-content/uploads/2022/08/297617327_437127561810035_106463496782007859_n.jpg?resize=880%2C660&ssl=1)
NUG နိုင်ငံခြားရေးဝန်ကြီး ဒေါ်ဇင်မာအောင်နှင့် တရားရေးဝန်ကြီး ဦးသိန်းဦးတို့၏ သဝဏ်လွှာများကို ဖတ်ကြားခဲ့ကြပြီး လူ့အခွင့်အရေး ဒုတိယဝန်ကြီး ခွန်းဗဟန်းထန်၊ ဩစတြေးလျလွှတ်တော်အမတ်များ၊ CRPH/NUG Support Group (Australia)၏ ပြည်နယ်ကိုယ်စားလှယ်အစုအဖွဲ့၏ ကိုယ်စားလှယ်၊ တိုင်းရင်းသားအတိုင်ပင်ခံကောင်စီ၏ ကိုယ်စားလှယ်တို့က မိန့်ခွန်းပြောကြားခဲ့သည်။
![NUG ကိုယ်စားလှယ်ရုံး ဩစတြေးလျ တရားဝင်ဖွင့်လှစ်](https://i0.wp.com/www.ludunwayoo.com/wp-content/uploads/2022/08/296773485_437127641810027_8826638207416787828_n.jpg?resize=880%2C495&ssl=1)
![NUG ကိုယ်စားလှယ်ရုံး ဩစတြေးလျ တရားဝင်ဖွင့်လှစ်](https://i0.wp.com/www.ludunwayoo.com/wp-content/uploads/2022/08/297121003_437127758476682_5015842242451087492_n.jpg?resize=880%2C495&ssl=1)
![NUG ကိုယ်စားလှယ်ရုံး ဩစတြေးလျ တရားဝင်ဖွင့်လှစ်](https://i0.wp.com/www.ludunwayoo.com/wp-content/uploads/2022/08/296329976_437127621810029_608376335390159905_n.jpg?resize=880%2C660&ssl=1)
ထို့အပြင် မြန်မာမိသားစုများကိုယ်စား ပါမောက္ခဒေါက်တာအက်စ်သာမြင့်၊ Mr Christopher Lamb (President of Australia Myanmar Institute)၊ အကယ်ဒမီ မင်းမော်ကွန်းတို့ကလည်း နွေဦးတော်လှန်ရေးဆိုင်ရာ အတွေးအမြင်များကို ဖလှယ်ခဲ့ကြပြီး အမျိုးသားညီညွတ်ရေးအစိုးရ၏ သြစတြေးလျနိုင်ငံဆိုင်ရာ ကိုယ်စားလှယ် ဒေါက်တာထွန်းအောင်ရွှေက ကျေးဇူးတင်စကား ပြောကြားခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)