မန္တလေးမြို့ ပြည်ကြီးတံခွန်မြို့နယ် ဇီးအုပ်ကွက်သစ် အပိုင်း ၆ ထဲကနေအိမ်တွေကို ကျူးကျော်ဆိုပြီး ဒီနေ့မနက်ပိုင်းမှာ စတင်ဖျက်နေတယ်လို့ ဒေသခံတွေ ကပြောပါတယ်။
နေအိမ်ကိုဖျက်မယ်လို့ လိုက်လံကြေညာပြီး ခဏအကြာမှာတင် အင်အားအများအပြား နဲ့ ဖျက်သွားတာပါ။
” အရင်ကတည်းကတော့ ဖျက်မယ်ဆိုတာသိတယ်၊ ဘယ်နေ့ဘယ်ရက်ဆိုတာ မသိရဘူးပေါ့၊ အခုက ပြောဖျက် ဖျက်သွားတာ” လို့ ပြည်ကြီးတံခွန်မြို့နယ် ၄၉လမ်းအနီးနေထိုင်သူတစ်ဦးကပြောပါတယ်။
အိမ်ဖျက်ရာမှာ စစ်သား ၊ရဲ ၊အုပ်ချုပ်ရေးအဖွဲ့ တွေက အင်အားသုံးပြီးအိမ်အလုံး ၂၀၀ လောက် ဖျက်သွားတာလို့သိရပါတယ်။
စစ်ကောင်စီဟာ ပြည်ကြီးတံခွန်မြို့နယ်ထဲက ကံကြီးကုန်း၊ ဇီးအုပ်ရှိ နေအိမ်တွေကို ကျူးကျော်လို့ သတ်မှတ်ကာ ပြီးခဲ့တဲ့နှစ်ပိုင်းကတည်းက ဖျက်ဆီးဖယ်ရှားနေတာဖြစ်ပါတယ်။
ဖယ်ရှားရှင်းလင်းခံရတဲ့နေရာတွေမှာလည်း ပြန်လည်အကွက်ရိုက် အုတ်တံတိုင်းခတ်ပြီး နေထိုင်သူတွေရှိနေပါတယ်။
