စစ်ကိုင်းတိုင်း၊ ကသာမြို့နယ်၊ မိုးတာလေးကျေးရွာနှင့်တိုက်ကုန်းကျေးရွာကို စစ်ကောင်စီတပ်က တိုက်လေယာဉ်ဖြင့် ယနေ့ညနေပိုင်းက ဗုံးကြဲရာ ဒေသခံပြည်သူ ၇ဦးသေဆုံးပြီး ၃၀ ဦးထက်မနည်းဒဏ်ရာခဲ့ကြောင်းဒေသခံများကပြောသည်။
ဇန်နဝါရီလ ၁၈ ရက် ညနေ ၆ နာရီ ၁၅ မိနစ်ခန့်က စစ်ကောင်စီတိုက်လေယာဥ် သုံးစင်းသည် မိုးတားလေးရွာသို့ စတင်တိုက်ခိုက်ပြီး တစ်ဆက်တည်းတွင်တိုက်ကုန်းကျေးရွာကိုပါ တိုက်ခိုက်သွားသည်ဟု ပြည်သူ့ကာကွယ်ရေးတပ်ဖွဲ့ဝင်တစ်ဦးကပြောသည်။
![(စစ်ကောင်စီ ဗုံကျဲတိုက်ခိုက်မှုကြောင့် မိုးတာလေးကျေးရွာနှင့်တိုက်ကုန်းကျေးရွာရှိနေအိမ်များပျက်စီးနေမှု ။ ။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/01/326190875_1256800078578360_4526310614265156735_n.jpg?resize=880%2C660&ssl=1)
![(စစ်ကောင်စီ ဗုံကျဲတိုက်ခိုက်မှုကြောင့် မိုးတာလေးကျေးရွာနှင့်တိုက်ကုန်းကျေးရွာရှိနေအိမ်များပျက်စီးနေမှု ။ ။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/01/326032767_1126958431326077_7804072943367683191_n.jpg?resize=880%2C660&ssl=1)
![(စစ်ကောင်စီ ဗုံကျဲတိုက်ခိုက်မှုကြောင့် မိုးတာလေးကျေးရွာနှင့်တိုက်ကုန်းကျေးရွာရှိနေအိမ်များပျက်စီးနေမှု ။ ။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/01/326213026_664002915463214_3359701708914442690_n.jpg?resize=880%2C660&ssl=1)
![(စစ်ကောင်စီ ဗုံကျဲတိုက်ခိုက်မှုကြောင့် မိုးတာလေးကျေးရွာနှင့်တိုက်ကုန်းကျေးရွာရှိနေအိမ်များပျက်စီးနေမှု ။ ။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/01/326228390_451904587021265_1474917608796525572_n.jpg?resize=880%2C660&ssl=1)
” မိုးတားလေးကို ပေါင် ၅၀ဝ ဗုံးကြဲသွားတာ။ ဒီညနေအထိ အရပ်သား၇ ယောက်သေဆုံးပြီး ၃၀ ကျော်ဒဏ်ရာရတယ်။ အရပ်သားနေအိမ်တွေပေါ် တမင်ပစ်ချသွားတာ”ဟု အဆိုပါရဲဘော်ကပြောသည်။
စစ်ကောင်စီတိုက်လေယာဥ် သုံးစီးစလုံးသည် မြစ်ကြီးနားလေဆိပ်မှ တက်လာပြီး ကသာကို တိုက်ခိုက်သွားခြင်ဟု စစ်ကောင်စီလေကြောင်းသတင်းများကို ထုတ်ပြန်ပေးနေသည် ဝေဟင် ဖေ့စ်ဘွတ်ခ်စာမျက်နှာ၏ admin တစ်ဦးက People’s Spring သို့ပြောသည်။
![(စစ်ကောင်စီ ဗုံကျဲတိုက်ခိုက်မှုကြောင့် မိုးတာလေးကျေးရွာနှင့်တိုက်ကုန်းကျေးရွာရှိနေအိမ်များပျက်စီးနေမှု ။ ။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/01/326252588_530640989036490_3015222697195947726_n.jpg?resize=880%2C660&ssl=1)
စစ်ကောင်စီတပ်နှင့် ပြည်သူ့ကာကွယ်ရေးမဟာမိတ်များသည် ယနေ့ နံနက်ပိုင်းတွင် မိုးတာလေးကျေးရွာအနီးတွင် တိုက်ပွဲအပြင်းအထန်ဖြစ်ခဲ့သည်။ နံနက်ပိုင်းတိုက်ပွဲတွင် စစ်ကောင်စီအထိနာပြီးနောက် ညနေပိုင်းတွင် ရွာများကိုလေကြောင်းမှ သွားရောက်ဗုံးကျဲခြင်းဖြစ်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)