စစ်ကိုင်းတိုင်း၊ ဆားလင်းကြီးမြို့နယ်တွင် စစ်ကောင်စီတပ်က စစ်ကြောင်းထိုးပစ်ခတ်နေ၍ ကျေးရွာများမှ ဒေသခံပြည်သူတစ်သောင်းကျော် ထွက်ပြေးတိမ်းရှောင်နေရကြောင်း ဒေသတွင်းသတင်းရင်းမြစ်များက ပြောသည်။
ယနေ့ (မတ်လ ၂၉ ရက်) နံနက်ပိုင်းက ဆားလင်းကြီးမြို့ပေါ်မှ စစ်ကောင်စီစစ်ကြောင်းသည် ပစ်ခတ်ဝင်ရောက်လာ၍ ဆားထုံးအုပ်စု၊တုံအုပ်စု၊ဖောင်းကတာအုပ်စုရှိ ကျေးရွာများမှ ဒေသခံပြည်သူတစ်သောင်းကျော်မှာ ထွက်ပြေးတိမ်းရှောင်နေရကြောင်း ဒေသခံများက ပြောသည်။
“ ဆားလင်းကြီးမြို့ပေါ်ကနေ ရွာတွေဘက် စစ် ကြောင်းထိုးလာတာပါ။ ရွာပေါင်း ၁၃ရွာလောက် ပြေးနေရပါတယ်။ ထိခိုက်သေဆုံးတာတွေတော့ မကြားမိသေးပါဘူး။” ဟု အညာပစ်တိုင်းထောင်လေးများအဖွဲ့ တာဝန်ခံတစ်ဦးက ပြောသည်။
![(ထွက်ပြေးတိမ်းရှောင်လာသော ဒေသခံပြည်သူများအား တွေ့ရစဉ်။ ဓာတ်ပုံ - အညာပစ်တိုင်းထောင်လေးများ)](https://i0.wp.com/www.ludunwayoo.com/wp-content/uploads/2023/03/338528195_224565566760303_5685623653938111789_n.jpg?resize=720%2C480&ssl=1)
![(ထွက်ပြေးတိမ်းရှောင်လာသော ဒေသခံပြည်သူများအား တွေ့ရစဉ်။ ဓာတ်ပုံ - အညာပစ်တိုင်းထောင်လေးများ)](https://i0.wp.com/www.ludunwayoo.com/wp-content/uploads/2023/03/338399711_191855953313274_4959916573358797094_n.jpg?resize=720%2C480&ssl=1)
![(ထွက်ပြေးတိမ်းရှောင်လာသော ဒေသခံပြည်သူများအား တွေ့ရစဉ်။ ဓာတ်ပုံ - အညာပစ်တိုင်းထောင်လေးများ)](https://i0.wp.com/www.ludunwayoo.com/wp-content/uploads/2023/03/338415498_614856633393355_2950571932597263339_n.jpg?resize=720%2C480&ssl=1)
![(ထွက်ပြေးတိမ်းရှောင်လာသော ဒေသခံပြည်သူများအား တွေ့ရစဉ်။ ဓာတ်ပုံ - အညာပစ်တိုင်းထောင်လေးများ)](https://i0.wp.com/www.ludunwayoo.com/wp-content/uploads/2023/03/338398092_3323207674599161_1837549444576196095_n.jpg?resize=720%2C480&ssl=1)
အဆိုပါ စစ်ကောင်စီတပ် စစ်ကြောင်းသည် ဆားလင်းကြီးမြို့နယ်အတွင်းရှိ ပုသိမ်-မုံရွာလမ်းပိုင်း၊ဆားလင်းကြီး-ညောင်ပင်ကြီးလမ်းပိုင်းများအား အရေးပေါ်ပိတ်ထားကြောင်း ဆားလင်းကြီးမြို့နယ်ပြည်သူ့အုပ်ချုပ်ရေးအဖွဲ့က ထုတ်ပြန်ကြေညာထားသည်။
ဆားလင်းကြီးမြို့ပေါ်နှင့် မြန်မာဝမ်ပေါင်ကုမ္ပဏီရှိ စစ်ကောင်စီတပ်သားများသည် မြို့နယ်အတွင်းရှိ ကျေးရွာများအား မကြာခဏ စစ်ကြောင်းထိုး မီးရှို့ဖျက်ဆီးခြင်း၊ ပြည်သူများအား ဖမ်းဆီးနှိပ်စက်သတ်ဖြတ်ခြင်းများ ပြုလုပ်နေသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)