ကချင်ပြည်နယ် ရွှေကူမြို့နယ်ရှိ စီသာကျေးရွာကို စစ်ကောင်စီတပ်က ယနေ့ လေကြောင်း တိုက်ခိုက်မှု လုပ်ဆောင်ခဲ့ရာ နေအိမ်များ မီးလောင်ပျက်စီးခဲ့ကြောင်း ဒေသခံက ပြောသည်။
“အကုန်ပြာဖြစ်ပြီ စီသာရွာက။ မီးလောင်တိုက်သွင်းခံရသလိုပေါ့”ဟု တောထဲသို့ တိမ်းရှောင်နေရသည့် ရွှေကူဒေသခံက ပြောသည်။
စစ်ကောင်စီတပ်သည် မတ်လ ၂၃ရက်မှစ၍ ရွှေကူမြို့နယ်အတွင်း စစ်ကြောင်းထိုးဝင်ရောက် လာ၍ ဒေသခံများစွာ တိမ်းရှောင်နေကြရသည်။ အဆိုပါ စစ်ကောင်စီတပ်ကို ကချင်လွတ်လပ်ရေးတပ်မတော်(KIA)နှင့် ဒေသခံကာကွယ်ရေးတပ်(PDF) ပူးပေါင်းတပ်က ခုခံတိုက်ခိုက်လျက်ရှိရာ တိုက်ပွဲများလည်းဖြစ်ပွားနေပြီး စစ်ကောင်စီက လေကြောင်းတိုက်ခိုက်မှု အကြိမ်ကြိမ်ပြုလုပ်ခဲ့သည်။
![(အကြမ်းဖက်စစ်ကောင်စီတပ် လေကြောင်းမှ ပစ်ခတ်တိုက်ခိုက်မှုကြောင့် စီသာရွာရှိ နေအိမ်များ မီးလောင်ပျက်စီးနေသည်ကို တွေ့ရစဥ်။ ဓာတ်ပုံ - PDF ရွှေဂူ)](https://i0.wp.com/www.ludunwayoo.com/wp-content/uploads/2023/04/339973205_251993707296347_2696446121896164300_n.jpg?resize=880%2C495&ssl=1)
![(အကြမ်းဖက်စစ်ကောင်စီတပ် လေကြောင်းမှ ပစ်ခတ်တိုက်ခိုက်မှုကြောင့် စီသာရွာရှိ နေအိမ်များ မီးလောင်ပျက်စီးနေသည်ကို တွေ့ရစဥ်။ ဓာတ်ပုံ - PDF ရွှေဂူ)](https://i0.wp.com/www.ludunwayoo.com/wp-content/uploads/2023/04/340003173_673648124568811_6985055441960143906_n.jpg?resize=880%2C495&ssl=1)
![(အကြမ်းဖက်စစ်ကောင်စီတပ် လေကြောင်းမှ ပစ်ခတ်တိုက်ခိုက်မှုကြောင့် စီသာရွာရှိ နေအိမ်များ မီးလောင်ပျက်စီးနေသည်ကို တွေ့ရစဥ်။ ဓာတ်ပုံ - PDF ရွှေဂူ)](https://i0.wp.com/www.ludunwayoo.com/wp-content/uploads/2023/04/339986496_890725565547028_7411173686217196701_n.jpg?resize=880%2C495&ssl=1)
![(အကြမ်းဖက်စစ်ကောင်စီတပ် လေကြောင်းမှ ပစ်ခတ်တိုက်ခိုက်မှုကြောင့် စီသာရွာရှိ နေအိမ်များ မီးလောင်ပျက်စီးနေသည်ကို တွေ့ရစဥ်။ ဓာတ်ပုံ - PDF ရွှေဂူ)](https://i0.wp.com/www.ludunwayoo.com/wp-content/uploads/2023/04/339083310_1008870213419386_2450743198607829650_n.jpg?resize=880%2C495&ssl=1)
ဧပြီ ၅ရက်တွင် တပ်မ(၈၈)လက်အောက်ခံ ခလရ (၁၀)၊ ခလရ (၇၇)၊ ခလရ (၈၈)နှင့် ထပ်မံဖြည့်တင်းထားသည့် စစ်ကြောင်းများမှ စီသာကျေးရွာသို့ လက်နက်ကြီးများဖြင့် ပစ်ခတ်မှုကြောင့် လူနေအိမ်များ မီးလောင်ပျက်စီးခဲ့ပြီး တိုက်လေယာဉ်များဖြင့် ထပ်မံ၍ သုံးကြိမ် ဗုံးကြဲတိုက်ခိုက်ခဲ့မှုကြောင့် လူနေအိမ်များစွာ မီးလောင်ပျက်စီးဆုံးရှုံးခဲ့ကြောင်း ရွှေကူ PDFက ထုတ်ပြန်သည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
ထို့အပြင် တော်လှန်ရေးအင်အားစုများအနေဖြင့်လည်း ပိုမိုကြိုးစား၍ ခုခံတော်လှန်နေဆဲဖြစ်ကြောင်း အသိပေးထားသည်။
![(အကြမ်းဖက်စစ်ကောင်စီတပ် လေကြောင်းမှ ပစ်ခတ်တိုက်ခိုက်မှုကြောင့် စီသာရွာရှိ နေအိမ်များ မီးလောင်ပျက်စီးနေသည်ကို တွေ့ရစဥ်။ ဓာတ်ပုံ - PDF ရွှေဂူ)](https://i0.wp.com/www.ludunwayoo.com/wp-content/uploads/2023/04/339978274_1985488195116271_538712539314286661_n.jpg?resize=880%2C495&ssl=1)
![(အကြမ်းဖက်စစ်ကောင်စီတပ် လေကြောင်းမှ ပစ်ခတ်တိုက်ခိုက်မှုကြောင့် စီသာရွာရှိ နေအိမ်များ မီးလောင်ပျက်စီးနေသည်ကို တွေ့ရစဥ်။ ဓာတ်ပုံ - PDF ရွှေဂူ)](https://i0.wp.com/www.ludunwayoo.com/wp-content/uploads/2023/04/340097490_548176187300841_7171180044348878740_n.jpg?resize=880%2C495&ssl=1)
![(အကြမ်းဖက်စစ်ကောင်စီတပ် လေကြောင်းမှ ပစ်ခတ်တိုက်ခိုက်မှုကြောင့် စီသာရွာရှိ နေအိမ်များ မီးလောင်ပျက်စီးနေသည်ကို တွေ့ရစဥ်။ ဓာတ်ပုံ - PDF ရွှေဂူ)](https://i0.wp.com/www.ludunwayoo.com/wp-content/uploads/2023/04/339096253_959093855092296_114271597150676216_n.jpg?resize=880%2C495&ssl=1)
မတ်လ ၃၀ရက်ကလည်း စစ်ကောင်စီတပ်က ရွှေကူနယ် မံဝိန်းရွာကို လေကြောင်းမှ ဗုံးကြဲတိုက်ခိုက်ခဲ့၍ နေအိမ်အချို့မီးလောင်းခဲ့သည်။ထို့ပြင် စစ်ကောင်စီတပ်က နေအိမ်များကို မီးရှို့ခဲ့ခြင်းကြောင့် မံဝိန်းရွာမှ နေအိမ် ၁၀၀ ထက်မနည်း မီးလောင်ခဲ့ရသည်။ မတ်လ ၂၅ရက်ကလည်း မံဝိန်း ရွာနှင့် စီသောင်ရွာကို စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့၍ နေအိမ်ပျက်စီးမှုရှိပြီး နွား ငါးကောင်သေဆုံးခဲ့ရသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)