ကချင်ပြည်နယ် ဖားကန့်မြို့တွင် မိုးသည်းထန်စွာရွာသွန်းပြီးနောက် အောင်သာယာ(၂)ကျေးရွာရှိ မြေစာပုံပြိုကျခဲ့ပြီး အမျိုးသမီးတစ်ဦး ရေစီးနှင့်မျောပါပျောက်ဆုံးကာ အမျိုးသားငါးဦး ဒဏ်ရာရခဲ့သည်။
ပေ(၁၀၀)ခန့်မြင့်သော မြေစာပုံသည် ယနေ့(ဩဂုတ် ၅ရက်) နေ့လယ် ၁နာရီခန့်တွင် ပြိုကျခြင်းဟု သိရသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
“ဒီနေ့ မိုးအရမ်းကောင်းတယ်။ အမျိုးသမီးတစ်ယောက်ကတော့ အခုထိပျောက်နေတယ်။ အမျိုးသားငါးယောက် ဒဏ်ရာရတယ်။ ပျောက်တဲ့သူကို ရှာနေပါတယ်”ဟု လူမှုကူညီရေးဆောင်ရွက်သူတစ်ဦးက ပြောသည်။
ကချင်လွတ်လပ်ရေးတပ်မတော်(KIA)၊PDF ပူးပေါင်းတပ်နှင့် စစ်ကောင်စီတပ် စစ်ရေးတင်းမာနေသော ဖားကန့်မြို့တွင် ယခုရက်ပိုင်း တိုက်ပွဲမရှိဘဲ ငြိမ်သက်နေသည်။ ဖားကန့်အပါအဝင် ကချင်ပြည်နယ်၌ ယခုရက်ပိုင်း မိုးကောင်းနိုင်ကြောင်း ရာသီဥတုအရေးလေ့လာသူများက သတိပေးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)