စစ်ကောင်စီတပ်များကို တိုက်ခိုက်နေသည့် ၁၀၂၇ စစ်ဆင်ရေးအတွင်း ချင်းရွှေဟော်တံတား၊ ဟိုပန်ဒေသ ချွမ်းဟုတ်ရွာ၊ ကွမ်းလုံ၊ မုံးကိုးနှင့် လားရှိးမြိုရှိ စစ်ရေးအဓိကကျသောနေရာ အများအပြားကို သိမ်းပိုက်ချေမှုန်းနိုင်ခဲ့ကြောင်း တအာင်း(TNLA)၊ ကိုးကန့်(MNDAA)၊ ရခိုင်(AA) သုံးဖွဲ့ပေါင်းထားသည့် စစ်ဆင်ရေးအမည်ဖြင့် ဖွင့်လှစ်ထားသည့် Operation 1027 – 3BHA Facebook စာမျက်နှာမှတဆင့် အသိပေးသည်။
ရှမ်းမြောက်ဒေသရှိ စစ်ကောင်စီတပ်များကို မြောက်ပိုင်းလက်နက်ကိုင်တပ်များက ယနေ့မနက်မှစတင် တိုက်ခိုက်ရာ တိုက်ပွဲပြင်းထန်နေပြီး စစ်ကောင်စီတပ် အထိနာလျက်ရှိသည်။
ယခုအချိန်အထိလည်း စခန်းသိမ်းတိုက်ပွဲများအပါအဝင် တိုက်ပွဲကြီး၊ တိုက်ပွဲငယ်များနေရာအနှံ ဆက်လက်ဖြစ်ပွားလျှက်ရှိကြောင်း ညီနောင်သုံးဖွဲ့က အသိပေးသည်။
ရန်သူသည် လေကြောင်း၊ လက်နက်ကြီးများကို ဆက်တိုက်အသုံးပြုပြီး ခုခံနေသကဲ့သို မိမိတိုအနေဖြင့်လည်း ၁၀၂၇ စစ်ဆင်ရေး ပစ်မှတ်များကို ဆက်လက်တိုက်ခိုက်သွားမည်ဖြစ်ကြောင်း ထုတ်ပြန်သည်။
စစ်ကောင်စီတိုသည် အောက်တိုဘာလ (၂၆) ရက်နေ့မှစပြီး MNTJP/ MNDAA ၏ နန်ဖာရှမ်းစခန်း၊ မန်တုံပစခန်းနှင့် ပြောက်ကျားလှုပ်ရှားနယ်မြေများကို လေကြောင်းမှတစ်ဆင့် အဆက်မပြတ် ဗုံးကြဲတိုက်ခိုက်ခဲ့ခြင်းကြောင့် MNDAA မှ တပ်သား (၁) ဦး ကျဆုံးခဲ့ရပြီး (၄) ဦး ဒဏ်ရာရရှိခဲ့သည်ဟု အသိပေးသည်။ ထိုအပြင် ဗုံးသီးများရွာထဲသို ကျရောက်ပေါက်ကွဲမှုကြောင့် အရပ်သား (၁) ဦးသေဆုံးခဲ့ရပြီး (၅) ဦး ဒဏ်ရာရရှိခဲ့ကြောင်း ထုတ်ပြန်သည်။
Public Service Announcement
နောက်ဆက်တွဲ တိုက်ပွဲ သတင်းများနှင့် သိမ်းဆည်းရမိ လက်နက်ပစ္စည်း၊ သုံပန်းများကို အချိန်နှင့် တပြေးညီ ဆက်လက်တင်ပေးသွားမည်ဟု ညီနောင်မဟာမိတ် (၃) ဖွဲ့က ထုတ်ပြန်သည်။
