ဆိုင်းမင်း/People’s Spring
မန္တလေးမြို့မှာ သုံးဘီးယာဉ်မောင်း ကို ခရီးသည်က ဓားနဲ့ထိုးပြီး လုယက်မှု မနေ့ ဇူလိုင်လ ၃၁ရက် မနက်အစောပိုင်းက ဖြစ်ပွားခဲ့တယ်လို့ မိသားစုနဲ့နီးစပ်သူထံကသိရပါတယ်။
မနက် ၄ နာရီခွဲဝန်းကျင်က ခရီးသည်အမျိုးသား ၃ ဦီး ဌားရမ်းတာကိုလိုက်ပို့ရင်းပြည်ကြီးတံခွန်မြို့နယ် ၊ ၄၉လမ်း နဲ့ ၁၂၃လမ်း အရောက်မှာလုယက်ခံရတာပါ။
Public Service Announcement
လုယက်သူအမျိုးသား သုံးဦးက သုံးဘီးယာဉ်မောင်းကို ဓားနဲ့ထိုးပြီး သုံးဘီးကို လုယက်သွားတာလို့ သိရပါတယ်။
လုယက်ခံရသူဟာ လက်နဲ့ ဝမ်းဗိုက်မှာ ဒဏ်ရာရပြီး မန္တလေးဆေးရုံကြီးမှာ ကုသမှုခံယူနေရတယ်လို့ မိသားစုနဲ့နီးစပ်သူက ဆိုပါတယ်။ မိသားစုနဲ့နီးစပ်သူရဲ့ ပြောပြချက်အရ မစိုးရိမ်ရဘူးလို့ သိရပါတယ်။
ပြီးခဲ့တဲ့ ရက်သတ္တပတ်ကပုသိမ်ကြီးမြို့နယ်ထဲက အသဲစွဲတောင် အပန်းဖြေနေရာဆီ ခရီသည်လိုက်ပို့တဲ့ သုံးဘီးအငှားယာဉ်မောင်း အမျိုးသား သတ်ဖြတ်ခံရပြီး သုံးဘီး လုယက်ခံရမှုဖြစ်ပွားထားပါတယ်။
အဲဒီသုံးဘီးသမားရဲ့အလောင်းကိုတော့ပီနံအိတ်ထဲထည့်ကာလမ်းဘေးမှာတင်စွန့်ပစ်သွားတာပါ။
ပြီးခဲ့တဲ့ မေလပိုင်းတုန်းကလည်း အိမ်ရှေ့မင်းထန်းတောဘက် သုံးဘီးအငှားလိုက်သူကို သတ်ပြီး သုံးဘီးလုယူမှုဖြစ်ပွားခဲ့ပါတယ်။
သုံးဘီးယာဥ်တွေကျပ်သိန်း၁၀၀ကျော်ထိပေါက်စျေးရှိလာပြီးနောက်သုံးဘီးအငှားယာဥ်မောင်းတွေကိုသတ်ပြီး လုယက်မှုတွေ မန္တလေးမြို့မှာ ဖြစ်ပွားလာတာပါ။
