ဇေအောင်/People’s Spring
မိုးမိတ်မြို့သိမ်းတိုက်ပွဲအတွင် မန္တလေး PDF ပါဝင်တိုက်ခိုက်ခဲ့ပြီး စတုတ္ထမြောက်သိမ်းယူနိုင်ခဲ့သောမြို့ဖြစ်ကြောင်း ပြည်သူ့ကာကွယ်ရေးတပ်မတော် (မန္တလေး)က ယနေ့(သြဂုတ်၂ရက်) တွင် အသိပေးထုတ်ပြန်သည်။
မိုးမိတ်မြို့အား ပြည်သူ့ကာကွယ်ရေးတပ်မတော် (မန္တလေး) နှင့် တအာင်းအမျိုးသားလွတ်မြောက်ရေးတပ်မတော် (TNLA)ဦးဆောင် သော ပူးပေါင်းမဟာမိတ်တပ်ဖွဲ့များသည် ၂၀၂၄ ဇူလိုင် ၃၁ရက်တွင် အပြီးသတ်သိမ်းပိုက်ရရှိခဲ့ကြောင်း မန္တလေး PDFက အသိပေးသည်။
Public Service Announcement
မိုးမိတ်စစ်ဆင်ရေးများတွင် ပြည်သူ့ကာကွယ်ရေးတပ်မတော် (မန္တလေး)၏ ဒရုန်းတပ်ဖွဲ့သည် မဟာမိတ်များနှင့် ဟန်ချက်ညီညီ ပူးပေါင်း၍ စစ်ဆင်ရေးများကို ဖော်ဆောင်နိုင်ခဲ့သည်ဟု ထုတ်ပြန်ချက်တွင် ဖော်ပြသည်။
မိုးမိတ်မြို့သည် ပြည်သူ့ကာကွယ်ရေးတပ်မတော် (မန္တလေး)မှ ဆင်နွှဲလျှက်ရှိသော စစ်ဆင်ရေးများအနက် စတုတ္ထမြောက် သိမ်းယူနိုင်ခဲ့သော မြို့ဖြစ်ကြောင်း မန္တလေး PDFက ထုတ်ပြန်သည်။
မန္တလေး PDFသည် ၁၀၂၇ အပိုင်း(၂)နှင့် ရှမ်းမန်းစစ်ဆင်ရေးတွင် စဥ့်ကူး၊ မိုးကုတ်၊ နောင်ချိုမြို့များကို TNLAနှင့်ပူးပေါင်း၍ သိမ်းပိုက်ထားပြီးဖြစ်သည်။
မိုးမိတ်မြို့နယ်ရှိ တပ်စခန်းများကို TNLA ပူးပေါင်းတပ်မှ ၁၀၂၇ စစ်ဆင်ရေးအပိုင်း(၂) အဖြစ် ဇွန်လ ၂၇ရက်က စတင်တိုက်ခိုက်ခဲ့ပြီး၊ သီတင်းပတ် (၄)ပတ်အကြာ ဇူလိုင် ၃၁ရက်တွင် စစ်ကောင်စီတပ်စခန်းများအားလုံးကို ရှင်းလင်းသိမ်းပိုက်ခဲ့သည်။
