မိထက်/People’s Spring
တကောင်းမြို့သိမ်းတိုက်ပွဲ၌ စစ်ကောင်စီဘက်မှ ၆၄ဦး သေဆုံးပြီး ၂၀ဦး ဖမ်းမိကာ လက်နက်မျိုးစုံ ၈၃ လက်နှင့် ကျည်ဆန်သောင်းချီ၍ သိမ်းဆည်းနိုင်ခဲ့ကြောင်း အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန၊ အမှတ်(၁)စစ်ဒေသက သတင်းထုတ်ပြန်သည်။
ပြင်ဦးလွင်ခရိုင်၊ သပိတ်ကျင်းမြို့နယ်၊ တကောင်းမြို့အား အမှတ် (၁) စစ်ဒေသ၊ မန္တလေးတိုင်းတာဝန်ခံရုံး ကွပ်ကဲမှုဖြင့် အထူးလှုပ်ရှား တပ်ရင်း-၃၊ အမှတ် (၅၁၁) တပ်ရင်း၊ မန္တလေးခရိုင် တပ်ရင်း-၄၊ မန္တလေးတိုင်း ဒရုန်းတပ်ဖွဲ့နှင့် သပိတ်ကျင်းမြို့နယ် ပကဖ တို့ကဩဂုတ်လ (၁၁) ရက် နံနက်ပိုင်းမှ စတင်တိုက်ခိုက်ကာ ဩဂုတ်လ (၁၂) ရက် ညနေပိုင်းတွင် သိမ်းပိုက်ရရှိခဲ့ခြင်းဖြစ်သည်။
![](https://i0.wp.com/www.ludunwayoo.com/wp-content/uploads/2024/08/455269791_833646382167489_282620859440836382_n.jpg?resize=880%2C496&ssl=1)
![](https://i0.wp.com/www.ludunwayoo.com/wp-content/uploads/2024/08/455061103_833646338834160_591504567098097567_n.jpg?resize=768%2C432&ssl=1)
တကောင်းမြို့ပေါ်တွင် ဒုဗိုလ်မှူးကြီး ရဲခေါင်နှင့် ဗိုလ်မှူး မိုးသွင် ဦးစီး တတက-၁၃၊ ဗိုလ်မှူး မိုးဝင်း ဦးစီး စခတ-၂၊ ရဲအုပ် အောင်ကိုဝင်း ဦးစီး ရဲတပ်ဖွဲ့၊ ဇော်လင်းနိုင် (ဒု-မြို့နယ်မှူး) တို့တပ်စွဲထားသော ထွေအုပ်ရုံး၊ ဆေးရုံနှင့် ရဲစခန်းအား ဩဂုတ်လ (၁၁) ရက်တွင် ရရှိခဲ့ပြီး လေးမျက်နှာဘုရားအား ဩဂုတ်လ ၁၂ရက်တွင် သိမ်းပိုက်ရရှိခြင်းဟု သတင်းထုတ်ပြန်ထားသည့်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
စစ်ကောင်စီဘက်မှ ၆၄ဦး သေဆုံးပြီး ၂၀ဦး ဖမ်းဆီးရမိခဲ့၍ လက်နက်မျိုးစုံ (၈၃) လက်၊ ကျည်မျိုးစုံ (၁၄၀၀၀) ကျော်၊ ဗုံးသီးမျိုးစုံ (၁၃၀) ခန့် သိမ်းဆည်းနိုင်ခဲ့သည်ဟု အမှတ်(၁)စစ်ဒေသက သတင်းထုတ်ပြန်သည်။
မြို့သိမ်းတိုက်ပွဲတွင် ပြည်သူ့ကာကွယ်ရေးတပ်ဖွဲ့ဝင်နှစ်ဦးကျဆုံးခဲ့ကြောင်းလည်းအသိပေးထားသည်။
မြို့သိမ်းတိုက်ပွဲဆင်နွှဲခဲ့သည့် ပြည်သူ့ကာကွယ်ရေးရဲဘော်များကို ဒေသခံပြည်သူများက ကြိုဆိုခဲ့ကြသည်ရုပ်သံမှတ်တမ်းအား သပိတ်ကျင်းမြို့နယ် ပကဖက ယနေ့ထုတ်ပြန်ထားသည်။
“အဲဒီလိုမြို့သိမ်းတိုက်ပွဲသတင်းကြားရတာ အရမ်းအားရှိတယ်။ အိမ်ပြန်ချိန်တွေနီးလာပြီလို့ ယုံကြည်လာတယ်” ဟု ထီးချိုင့်မြို့မှ စစ်ဘေးတိမ်းရှောင်လာသူတစ်ဦးကပြောသည်။
တကောင်းမြို့သည် စစ်ကိုင်းတိုင်း၊ ထီးချိုင့်မြို့နှင့် မန္တလေးတိုင်းသပိတ်ကျင်မြို့ကြား၌တည်ရှိသည်။ ထီးချိုင့်မြို့မှ တရုတ်အစိုးရရင်းနှီးမြှုပ်နှံထားသည့် နီကယ်စက်ရုံကို ပြည်သူ့ကာကွယ်ရေးတပ်ဖွဲ့များက သိမ်းပိုက်ထားသလို မြို့ပတ်ချာလည်ကိုလည်း ထိန်းချုပ်ထားသည်။ သပိတ်ကျင်းမြို့ရှိ စစ်ကောင်စီစခန်းများကိုလည်း ကာကွယ်ရေးတပ်ဖွဲ့များက တိုက်ခိုက်နေပြီး မြို့သိမ်းတိုက်ပွဲဆင်နွှဲနေသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)