ဇေအောင်/People’s Spring
စစ်ကိုင်းတိုင်း၊ မုံရွာ – အရာတော်လမ်းပိုင်းတွင် စစ်ရေးတင်းမာနေ၍ လမ်းပိုင်းယာယီပိတ်ထားကြောင်း သတင်းရရှိသည်။
ယနေ့(သြဂုတ် ၁၄ရက်)နံနက်ပိုင်းမှစတင်ကာ မုံရွာ – အရာတော်လမ်းပိုင်း၌ စစ်ရေးတင်းမာနေ၍ မုံရွာ – ကျောက္ကာ – အရာတော်လမ်းပိုင်းအား ပြည်သူများ၊ ယာဥ်များ သွားလာခြင်းမပြုကြရန် မုံရွာမြို့နယ်ပြည်သူ့ကာကွယ်ရေးအဖွဲ့က သတင်းထုတ်ပြန်သည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
သို့သော် တိုက်ပွဲဖြစ်ပွားနေသည့်နေရာကိုမူ အသိပေးထားခြင်းမရှိပေ။
အလားတူ ဝက်လက် – အရာတော်လမ်းပိုင်းဖြစ်သည့် ရွာသာကြီး- အရာတော်လမ်းပိုင်းကိုလည်း မြေပြင်စစ်ရေးအခြေနေအရ ယာယီပိတ်ထားကြောင်း ဒေသကာကွယ်ရေးအဖွဲ့များက အသိပေးသည်။
“လမ်းပိုင်းပိတ်တာ ဟုတ်ပါတယ်။ ကျွန်တော်တို့လည်းအခုတိုက်ပွဲထဲမှာမို့ ပြီးရင်အသေးစိတ်ဖြေပေးပါ့မယ်။”ဟု အရာတော်အခြေစိုက် ပြည်သူ့ကာကွယ်ရေးရဲဘော်တစ်ဦးက ပြောသည်။
မုံရွာ – အနောက်မြောက်တိုင်းစစ်ဌာနချုပ် (နမခ)မှ အရာတော်မြို့ စစ်အခြေခံလေ့ကျင့်ရေးတပ်(စခတ)(၁၀)သို့ စစ်ကောင်စီယာဥ်များ အကူးအသန်းလုပ်တိုင်း ဒေသကာကွယ်ရေးအဖွဲ့များက တိုက်ခိုက်လေ့ရှိသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)