close
Connect with us

Hi, what are you looking for?

သတင်း

ဗိုလ်မှူးနှစ်ဦးအပါအဝင် CDMပြုလုပ်လာသည့် အရာရှိစစ်သည် ၆၀ကျော်ကို ပကဖနှင့် YDF စောင့်ရှောက်ထား

CDM ပြုလုပ်လာသည့် စစ်ကောင်စီတပ်သား ၆၁ ဦးသည် လက်နက်မျိုးစုံ ၁၈လက်နှင့် ခဲယမ်းများ ယူဆောင်လာကြောင်း NUG ကာကွယ်ရေးက ထုတ်ပြန်သည်။

(အလင်းဝင်လာသော စစ်ကောင်စီတပ်မှ အရာရှိစစ်သည်များအား တွေ့ရစဉ်။ ဓာတ်ပုံ - File)
(အလင်းဝင်လာသော စစ်ကောင်စီတပ်မှ အရာရှိစစ်သည်များအား တွေ့ရစဉ်။ ဓာတ်ပုံ - File)

▪️ပြည်သူ့အာဏာမတရား ရယူထားသည့် စစ်ကောင်စီလက်အောက်မှ ရုန်းထွက်ကြန် CDM အရာရှိများ တိုက်တွန်း

ထားမြတ်/People’s Spring

ချင်းပြည်နယ် ပလက်ဝမြို့နယ်အတွင်း တာဝန်ကျနေသည့် စစ်ကောင်စီတပ် စစ်ကြောင်း နှစ်ခုမှ အရာရှိစစ်သည် ၆၁ဦး CDM ပြုလုပ်ပြီး ပြည်သူ့ရင်ခွင်ခိုလှုံခဲ့ရာ ၎င်းတို့အား အမျိုးသားညီညွတ်ရေးအစိုးရ(NUG)၊ လက်အောက်ရှိ ပြည်သူ့ကာကွယ်ရေးအဖွဲ့(ပကဖ)နှင့် ယောဒေသကာကွယ်ရေးတပ်(YDF)တို့က ပူးပေါင်း စောင့်ရှောက်ထားကြောင်း NUG ကာကွယ်ရေးဝန်ကြီးဌာနက ထုတ်ပြန်အသိပေးထားသည်။

ဗိုလ်မှူးအောင်မျိုးသွင် ဦးစီးပြီး အရာရှိ သုံးဦး အခြားအဆင့် ၃၁ဦး၊ ရဲမေ တစ်ဦးစုစုပေါင်း အင်အား ၃၁ဦးပါ စစ်ကြောင်းနှင့် ဗိုလ်မှူး အောင်ကိုထွေး ဦးစီးပြီး အရာရှိ သုံးဦး နှင့် အခြားစစ်သည် စုစုပေါင်း ၂၆ ဦးပါစစ်ကြောင်းသည် ပလက်၀ဒေသ ရပ်မိ၊ရပ်ဖများ၏ ချိတ်ဆက်ပေးမှုဖြင့် ၂၀၂၄ ဇန်နဝါရီ ၁၀ရက်တွင် CDM ပြုလုပ်ကာ ပြည်သူ့ရင်ခွင် ခိုလှုံလာခြင်းဖြစ်သည်ဟု ဆိုသည်။

ပလက်၀ဒေသရှိ ရပ်မိ၊ ရပ်ဖများ၏ချိတ်ဆက် ဆောင်ရွက်ပေးမှုဖြင့် ပလက်၀ CDFမှ တဆင့် ယောကာကွယ်ရေးတပ်(YDF)နှင့် အမျိုးသားညီညွတ်ရေးအစိုးရ လက်အောက်ရှိ ပြည်သူ့ကာကွယ်ရေးအဖွဲ့(ပကဖ)နှင့် ချိတ်ဆက်ပြီးပြည်သူ့ရင်ခွင်ခိုလှုံလာခြင်းဖြစ်ကြောင်း ရှင်းပြသည်။

Public Service Announcement

Public Service Announcement

“အဓိကတော့ ဝင်ရောက်လာရတဲ့အကြောင်းအရင်းကတော့ စစ်ကောင်စီ အနေနဲ့ ပြည်သူရဲ့အာဏာကို မတရားရယူခြင်း၊ ပြည်သူကို မတရားညှင်းပန်းနှိပ်စက်ခြင်း၊ ပြည်သူကို တရားသတ်ဖြတ်ခြင်း ဒါတွေကို မြင်တွေ့ကြားနေရတော့ ဒါတွေဟာ ကျနော်တို့အတွက် ဒီ ပြည်သူ့ရင်ခွင့် CDM ဝင်ရောက်ဖို့အတွက် ကျနော်တို့ကိုတိုက်တွန်းနှိုးဆော်ချက်တွေဖြစ်ပေါ်ပါတယ်။ အဲဒါကြောင့် ဒါကို ကျနော် ဦးဆောင်ပြီးတော့ အားလုံးသဘောတူပြီးတော့ ဝင်ရောက်လာခြင်းဖြစ်ပါတယ်”ဟု ဗိုလ်မှူးအောင်မျိုးသွင်က ပြောသည်။

စစ်ကောင်စီက အထက်အောက် ဖိနှိပ်မှု ၊ မတရား ခိုင်းစေမှု၊ မတရားအမိန့်များ ရှိနေပြီး အောက်ခြေ၏ အခက်အခဲများကို အထက်အရာရှိများက မသိကျိုးကျွံ ပြုလုပ်လျက်ရှိသည်ဟုလည်း ဗိုလ်မှူး အောင်မျိုးသွင်နှင့် က ပြောသည်။

ဗိုလ်မှူးအောင်ကိုထွေးကလည်း ၎င်းတို့ စစ်ကြောင်း အနေဖြင့် ဗိုလ်မှူးအောင်မျိုးသွင် နှင့်ချိတ်ဆက်ပြီး နောက်အရာရှိစစ်သည်များဖြင့်တိုင်ပင်ကာ ပလက်၀ CDF ထံဦးစွာရောက်ရှိပြီး YDFကတဆင့် အမျိုးသားညီညွတ်ရေးအစိုးရ လက်အောက်ရှိ ပကဖ ဒတပ်ဖွဲ့များထံ ပူးပေါင်းလာခြင်းဖြစ်သည်ဟု ပြောပြသည်။

“ပြည်သူကို ရန်သူလိုပြုကျင့်နေတာတွေကို ကြားသိရတဲ့အတွက် အရာရှိတွေ စစ်သည်တွေကိုညှိနှိုင်းတိုင်ပင်ပြီးတော့ အားလုံးရဲ့ဆန္ဒကလည်းပါတာဖြစ်တဲ့အတွက် ကျနော် ဦးဆောင်ပြီး CDM ဝင်ရောက်ခဲ့တာဖြစ်ပါတယ်” ဟုဗိုလ်မှူးအောင်ကိုထွေးက ပြောသည်။

ထိုသို့ CDM ဝင်ရောက်လာမှုအပေါ် ပြည်သူများကလည်း နွေးထွေးစွာ ကြိုဆိုကြကြောင်း၊YDF နှင့် ပကဖ ၊ ပြည်သူများက ဝမ်းပမ်းတသာ ကြိုဆိုကြောင်း၊ စားနပ်ရိက္ခာ အဆင်ပြေကြောင်း ပြောပြသည်။

“ပြည်သူအားလုံးက ကျနော်တို့အပေါ်မှာ မိသားစုလို နွေးထွေးစွာ ကြိုဆိုတာ တွေ့ရပါတယ်။ ကျနော်တို့ ရဲ့ စားသောက်နေထိုင်ရေးမှာလည်း သူတို့ တက်စွမ်းသမျှ လိုလေသေးမရှိအောင် ဆောင်ရွက်ပေးတဲ့အတွက်လည်း ကျနော်တို့အနေနဲ့ ကျေးဇူးတင်ကြောင်း ပြောကြားလိုပါတယ်” ဟု ဗိုလ်မှူး အောင်ကိုထွေးက ပြောသည်။

CDM ပြုလုပ်လာသည့် စစ်ကောင်စီတပ်သား ၆၁ ဦးသည် လက်နက်မျိုးစုံ ၁၈လက်နှင့် ခဲယမ်းများ ယူဆောင်လာကြောင်း NUG ကာကွယ်ရေးက ထုတ်ပြန်သည်။

ယခုကဲ့သို့ ပြည်သူ့ရင်ခွင်ဝင်ရောက်မှုသည် အင်အား အများအပြားဖြင့် ဝင်ရောက်သည့် အခြေအနေဖြစ်ပြီး အကြမ်းဖက်စစ်တပ်အတွင်းစိတ်ဓာတ်ပြိုလဲမှု၊ ပြည်သူ့ဘက်သို့ ကူးပြောင်းလိုသည့် အရာရှိ၊ စစ်သည် အမြောက်အများ စစ်တပ်တွင်းရှိနေမှုတို့ကို ညွှန်ပြလျက်ရှိသည်ဟု NUG ကာကွယ်ရေးဝန်ကြီးဌာန ထုတ်ပြန်ချက်၌ဖော်ပြထားသည်။

စစ်ကောင်စီအနေဖြင့် တိုက်ပွဲတိုင်း ရှုံးနေရခြင်းမှာ ပြည်သူလူထု အားပေးထောက်ခံမှု မရခြင်း၊ မတရား အမိန့်ပေးစေခိုင်းခြင်းတို့ကြောင့် ဖြစ်သည်ဟုလည်း CDM အရာရှိ တို့က သုံးသပ်သည်။

စစ်အာဏာရှင်က ပြည်သူ့အာဏာ မတရားသိမ်းပိုက်ခြင်းကြောင့် ပြည်သူပူးပေါင်းပါဝင်မှု မရှိ၍ တိုက်ပွဲတိုင်းရှုံးနေခြင်းဖြစ်သည်ဟု ပြောသည်။

ထို့ပြင် ကျန်ရှိနေသည့် စစ်ကောင်စီ လက်အောက်ခံအရာရှိ စစ်သည်အားလုံးအနေဖြင့်လည်း အမြန်ဆုံး ပြည်သူ့ရင်ခွင်ခိုလှုံကြရန် လည်း CDM အရာရှိတို့က တိုက်တွန်းသည်။

ဆက်စပ်သတင်းများ

သတင်း

လက်ရှိတွင် ထန်တလန်မြို့၏ ၉၀ ရာခိုင်နှုန်းကို ချင်းပြည်ကောင်စီ ပူးပေါင်းတပ်က ထိန်းချုပ်ဘထားဆဲဖြစ်သည်ဟုလည်း သတင်းရင်းမြစ်က ပြောပြသည်။

သတင်း

စစ်ကောင်စီတပ်​ မိသားစုဝင်များအား ကျေးရွာများက နှင်ထုတ်နေ၍ တိမ်းရှောင်နေရဟုဆို

သတင်း

ချင်းညီနောင်အနေဖြင့် မတူပီမြို့သိမ်းတိုက်ပွဲကို ဇွန်လ ၉ရက်တွင် စတင်ခဲ့ရာ ဇွန်လ ၂၉ရက်တွင် မတူပီရှိ စစ်ကောင်စီတပ်စခန်းအားလုံးကို သိမ်းပိုက်ပြီးဖြစ်သည်ဟု ကြေညာခဲ့သည်။

သတင်း

ဖမ်းမိထားသည့်စစ်ကောင်စီအရာရှိများထံမှ ၎င်းတို့လုယက်ထားသည့် ကားနှင့်ငွေကြေးများ၊ လက်နက်ခဲယမ်းအချို့လည်း တွေ့ရှိခဲ့သည်။

Facebook