close
Connect with us

Hi, what are you looking for?

သတင်း

စစ်ကောင်စီရဲ့ ရွေးကောက်ပွဲကို ထောက်ခံကြောင်း မင်းအောင်လှိုင်ကို မိုဒီပြော

စစ်ကောင်စီက ရွေးကောက်ပွဲ ကျင်းပမယ့် ကိစ္စကို ထောက်ခံကြောင်း အိန္ဒိယ သမ္မတ နာယန်ဒရာ မိုဒီက အာဏာသိမ်း စစ်ခေါင်းဆောင် မင်းအောင်လှိုင်ကို ပြောကြားခဲ့ပါတယ်။

ဓာတ်ပုံ - sidhant/X

စစ်ကောင်စီက ရွေးကောက်ပွဲ ကျင်းပမယ့် ကိစ္စကို ထောက်ခံကြောင်း အိန္ဒိယ သမ္မတ နာယန်ဒရာ မိုဒီက အာဏာသိမ်း စစ်ခေါင်းဆောင် မင်းအောင်လှိုင်ကို ပြောကြားခဲ့ပါတယ်။

ရှန်ဟိုင်းပူးပေါင်းဆောင်ရွက်မှုအဖွဲ့ (SCO)ညီလာခံ တက်ရောက်ဖို့ တရုတ်နိုင်ငံကို ရောက်ရှိနေချိန် အတောအတွင်း မိုဒီဟာ မင်းအောင်လှိုင်နဲ့ တွေ့ဆုံခဲ့တာ ဖြစ်ပါတယ်။ ဩဂုတ် ၃၁ ရက်နေ့က လူချင်းတွေ့ချိန်မှာ မိုဒီက မြန်မာနိုင်ငံ အနေနဲ့ မျှတပြီး ပါတီပေါင်းစုံ ပါဝင်နိုင်တဲ့ ရွေးကောက်ပွဲမျိုး ကျင်းပနိုင်ဖို့တော့ သူမျှော်လင့်မိတယ်လို့ ပြောဆိုခဲ့ပါတယ်။

မင်းအောင်လှိုင်ဟာ SCOမှာ အထူးဧည့်သည်တော် အနေနဲ့ တက်ရောက်ဖို့၊ ပြီးတော့ တရုတ်ရဲ့ အောင်ပွဲနေ့ စစ်ရေးပြ ချီတက်ပွဲ အခမ်းအနားကို တက်ရောက်ဖို့ ဖိတ်ကြား ခံထားရတာပါ။ ၂၀၂၁ ခုနှစ်တုန်းက ဒေါ်အောင်ဆန်းစုကြည် ဦးဆောင်တဲ့ အရပ်သား ဒီမိုကရေစီ အစိုးရကို လက်နက်အားကိုးနဲ့ ဖြုတ်ချပြီး အဓမ္မ အာဏာသိမ်းထားတဲ့ မင်းအောင်လှိုင်က အခုနှစ်ကုန်ပိုင်းမှာ ရွေးကောက်ပွဲ ကျင်းပပြီး အနိုင်ရပါတီဆီ အာဏာလွှဲမယ်လို့ ကြေညာထားပါတယ်။ ဒါပေမဲ့ ဒေါ်အောင်ဆန်းစုကြည် အပါအဝင် ဒီမိုကရေစီ ခေါင်းဆောင်တွေကိုတော့ နှစ်ရှည် အကျဉ်းချထားဆဲ ဖြစ်ပါတယ်။

တော်လှန်ရေး အင်အားစုတွေ၊ ဒီမိုကရေစီ အစုအဖွဲ့တွေနဲ့ အနောက်နိုင်ငံတွေကတော့ စစ်ကောင်စီ ကြီးမှူးကျင်းပမယ့် ရွေးကောက်ပွဲဟာ မျှတမှု မရှိတဲ့ အတုအယောင် တစ်ခုသာ ဖြစ်မယ်လို့ စွပ်စွဲထားပါတယ်။

Public Service Announcement

Public Service Announcement

မိုဒီက လက်ရှိ မြန်မာ့ပြည်တွင်းရေး အကျပ်အတည်းကို ဖြေရှင်းရာမှာ မြန်မာကသာ ဦးဆောင်ပြီး မြန်မာ့မူဟန်နဲ့ ငြိမ်းချမ်းရေး လုပ်ငန်းစဉ်မျိုး အကောင်အထည် ဖော်တာကို အိန္ဒိယက ထောက်ခံတယ်လို့လည်း ပြောကြားခဲ့ပါတယ်။

မိုဒီနဲ့ မင်းအောင်လှိုင်တို့ဟာ အိန္ဒိယ-မြန်မာ နှစ်နိုင်ငံကြား ဖွံ့ဖြိုးရေး၊ ကာကွယ်ရေးနဲ့ လုံခြုံရေးဆိုင်ရာ ရှုထောင့်တွေမှာ ပူးပေါင်းဆောင်ရွက်ဖို့လည်း ဆွေးနွေးခဲ့တယ်လို့ သိရပါတယ်။

ကိုးကား: Hindustan Times

ဆက်စပ်သတင်းများ

နိုင်ငံတကာ

တရုတ်၊ အိန္ဒိယနဲ့ ရုရှားနိုင်ငံ ခေါင်းဆောင်တွေ ပြုံးပြုံးရွှင်ရွှင် အတူရှိနေတဲ့ ဓာတ်ပုံဟာ အတော်လေး လူပြောများလာခဲ့ပါတယ်။

သတင်း

အမျိုးသားဒီမိုကရေစီအဖွဲ့ချုပ်(NLD) ချင်းပြည်နယ် ပလက်ဝမြို့နယ်အလုပ်အမှုဆောင်အဖွဲ့ဝင်နှင့် ပလက်ဝမြို့နယ် မဲဆန္ဒနယ်အမှတ်-၁ ပြည်နယ်လွှတ်တော်ကိုယ်စားလှယ် ဦးစိုးထက် (ခ) ဆလိုင်းမဲလုသည် စစ်ကောင်စီကျင်းပမည့် အတုအယောင်ရွေးကောက်ပွဲတွင် ဝင်ရောက်ယှဥ်ပြိုင်မည်ဟု သိရှိရ၍ ပါတီမှ ထုတ်ပယ်လိုက်ကြောင်း NLD ဗဟိုအလုပ်ကော်မတီက ယနေ့ ထုတ်ပြန်သည်။

သတင်း

မွန်ပြည်ဖက်ဒရယ်ကောင်စီ(MSFC)၏နိုင်ငံရေးဦးဆောင်မှုဖြင့်အတုအယောင်ရွေးကောက်ပွဲ ဆန့်ကျင်တိုက်ဖျက်ရန်လမ်းညွှန်မှုအရ စစ်ကောင်စီ၏ အတုအယောင် ရွေးကောက်ပွဲကျင်းပရန် ကြေညာပြီးနောက်ပိုင်း၊တိုက်ပွဲများ ခပ်စိပ်စိပ်ဖော်ဆောင်လျက်ရှိကြောင်း MSFC လက်အောက်ခံတပ်ဖွဲ့တခုဖြစ်သော မွန်ပြည်တော်လှန်ရေးတပ်(MSRF)က ထုတ်ပြန်သည်။

သတင်း

စစ်ကိုင်းတိုင်းအတွင်းမှာ သပိတ်အဖွဲ့တွေ၊ ဒေသခံပြည်သူတွေဟာ အာဏာသိမ်းစစ်ကောင်စီက ပြုလုပ်မယ့် အတုအယောင်ရွေးကောက်ပွဲကို သပိတ်မှောက်ဖို့ ဒီကနေ့ (သြဂုတ် ၃၁)မှာ လှုံ့ဆော်ဆန္ဒပြခဲ့ကြပါတယ်။

Facebook