ဘားအံမြို့မှာကြော်ငြာဆိုင်းဘုတ်ပေါ်တက်​နေတဲ့လူငယ်ကို ဒေသခံနဲ့လူမှုကူညီ​ရေးအဖွဲ့​တွေကယ်တင်

စက်တင်ဘာ-၁၈၊၂၀၂၅။မိထက်/People’s Spring

ဘားအံမြို့မှာ ဒီကနေ့ညနေပိုင်းကအသိစိတ်ကင်းမဲ့နေတဲ့ လူငယ်တစ်ဦးဟာ ပေ ၃၀ ​ကျော်မြင့်တဲ့ ကြော်ငြာဆိုင်းဘုတ်ပေါ်တက်နေလို့ဒေသခံတွေနဲ့လူမှုကူညီအဖွဲ့တွေက ကယ်ဆယ်ရေးလုပ်ခဲ့ကြရပါတယ်။

အဲ့ဒီလူငယ်ဟာ တက္ကသိုလ်ကျောင်းသားတစ်ဦးဖြစ်ကြောင်း ဒေသခံတစ်ဦးကပြောပါတယ်။အနီးဝန်းကျင်ကပြည်သူ​​တွေက ကြော်ငြာဆိုင်းဘုတ်ပေါ်ကို တက်သွားတာကိုမသိလိုက်ရဘဲ အပေါ်ရောက်မှသိတာလို့ ၎င်းက ဆိုပါတယ်။

“ လမ်းမကြီးဘေးမှာ ပွဲစည်သွားတယ်။ သားဇောနဲ့ အမေလည်း ပြာယာခပ်နေတာပဲ” လို့မြို့ခံတစ်ဦးကပြောပါတယ်။

Public Service Announcement

အ​ပေါ်ပိုင်း ဗလာကျင်နဲ့ ​ဘောင်ဘီရှည်သာဝတ်ထားတဲ့အဲဒီလူငယ်ကို ခုန်မချဖို့ သူ့မိခင်ကလည်း ကြော်ငြာ ဆိုင်းဘုတ်အောက်ကနေ ငိုယိုပြီးအော် ပြောနေခဲ့ပါတယ်။

အကယ်၍ခုန်ချခဲ့ရင်အသက်မသေဆုံးဖို့ ကူညီကယ်ဆယ်ရေးအဖွဲ့တွေက ကြိုးပမ်းခဲ့ကြတာတွေ့ရပါတယ်။​အောက်ကိုခုန်ချတာ ၊ပြုတ်ကျတာဖြစ်ရင် အသက်မ​သေ​အောင် ​ပျော့အိ​တဲ့ အရာ​တွေ​အောက်မှာထား​ပေးသလိုကရိန်းနဲ့ လူငယ်နားသွားပြီး​ခေါ်ယူဖို့အတွက်အတွက် ကြိုးစားခဲ့ကြပါတယ်။

အဲဒီလိုဝိုင်းကြိုးစား​နေကြချိန်မှာပဲ လူငယ်ကခုန်ချခဲ့ပါတယ်။ ဒါ​ပေမယ့် ​အောက်ကဖမ်းယူဖို့ ​စောင့်​နေတဲ့ ​ပျော့အိအိအ​ပေါ်ကျ​ပေမယ့် အမြင့်ကခုန်ချတဲ့အရှိန် ၊​ ​ပျော့အိအိအောက်မှာကတ္တရာကားလမ်းမျက်နှာပြင်အမာရှိတာ​ကြောင့် ဒဏ်ရာရသွားတဲ့ပုံစံကို​တော့ အနားကပြည်သူ​တွေရိုက်ကူးထားတဲ့ ရုပ်သံမှတ်တမ်းမှာ​တွေ့ရပါတယ်။

ဒဏ်ရာ ပြင်းထန်မှု ရှိ ၊မရှိမ​သိရ​သေးပဲ လက်ရှိမှာ ဘားအံ ဆေးရုံကိုပို့ထားတယ်လို့ ကယ်ဆယ် ရေးအဖွဲ့ဝင်တဦးကပြောပါတယ်။