ဒီဇင်ဘာ-၁၃၊၂၀၂၅။အိမ်သွင်/People’s Spring
မြောက်ဦးပြည်သူ့ဆေးရုံကြီးကို အာဏာသိမ်းစစ်က ဗုံးကြဲတိုက်ခိုက်ခံရမှုကြောင့် သေဆုံးသူနဲ့ထိခိုက်ဒဏ်ရာသူတွေရဲ့အသေးစိပ်စာရင်းကို အာရက္ခတပ်တော်(AA)အပြင် မြောက်ပိုင်းမဟာမိတ်သုံးဖွဲ့ကလည်း ထုတ်ပြန်လာပါတယ်။
ကလေးငယ်တွေနဲ့အမျိုးသမီးတွေအပါအဝင်သေဆုံးသူ ၃၃ ဦး၊ဒဏ်ရာရသူ ၇၇ ဦးရှိတယ်လို့ ထုတ်ပြန်ချက်မှာဖော်ပြထားပါတယ်။ သေဆုံးသူတွေထဲမှာ အသက်သုံးလအရွယ်မိန်းကလေးငယ်ကအငယ်ဆုံးဖြစ်ပါတယ်။အသက် အကြီးဆုံးက ၇၀ နှစ်ဖြစ်ပါတယ်။ ဒဏ်ရာရသူတွေထဲက ၁၆ဦးက စ်ိုးရိမ်ရတဲ့အခြေအနေနဲ့ကုသနေရတယ်လို့သိရပါတယ်။
သေဆုံးသူတွေထဲမှာ အမျိုးသမီး ၁၇ ဦး ၊အမျိုးသား ၁၆ ဦးပါဝင်ပါတယ်။စစ်တပ်က သေဆုံးသူတွေဟာ AA တပ်ဖွဲ့ဝင်တွေလို့ သတင်းအမှားနဲ့ဝါဒဖြန့်နေချိန်မှာ AA ကသေဆုံးသူတွေရဲ့ အမည် ၊အသက် ၊အလုပ်အကိုင် ၊လိပ်စာတွေကိုပါ ၄ ဦးမှအပ ကျန် ၂၉ ဦးကိုအတိကျထုတ်ပြန်လိုက်တာဖြစ်ပါတယ် ။
Public Service Announcement
ဒဏ်ရာရသူ ၇၇ ဦးမှာ ၃၆ ဦးကအမျိုးသမီးတွေဖြစ်ပါတယ် ။ ၄၁ ဦးကအမျိုးသားဖြစ်ပါတယ်။ဒဏ်ရာရသူတွေထဲမှာအသက် ၁၅ နှစ်ကအငယ်ဆုံးဖြစ်ပြီး ၆၈ နှစ်ကအကြီးဆုံးပါ။
AA၊ ကိုးကန့်တပ်(TNLA)၊တအာင်းတပ်(TNLA)တို့ပူးပေါင်းထားတဲ့မြောက်ပိုင်းမဟာမိတ်သုံးဖွဲ့ရဲ့ လူမှုကွန်ရက်စာမျက်နှာကလည်း အဆိုပါသတင်းကိုထုတ်ပြန်ခဲ့ပါတယ်။
မြောက်ဦးကို ဗုံးကြဲပြီးတဲ့နောက် ကျောက်ဖြူ၊ ပုဏ္ဏားကျွန်းနဲ့ပေါက်တောမြို့နယ်ကိုလည်း စစ်ကောင်စီက လေကြောင်းတိုက်ခိုက်မှုတွေဆက်လက်ပြုလုပ်ခဲ့ပါတယ်။
မြောက်ဦးပြည်သူ့ဆေးရုံကို ဗုံးကြဲပြီး ပြည်သူတွေကို သတ်ဖြတ်တဲ့ စစ်ရာဇဝတ်မှုအတွက် စစ်ကောင်စီ တာဝန်ခံရမှာဖြစ်ပြီး အပြစ်မဲ့ပြည်သူတွေ တရားမျှတမှုရရှိဖို့အတွက်လိုအပ်သလိုလက်တုန့်ပြန်သွားမယ်လို့ AAက ထုတ်ပြန်ထားပါတယ်။ မြောက်ဦးဆေးရုံကို ဗုံးကြဲတိုက်ခိုက်မှုအတွက် စစ်ကောင်စီကို ကုလသမဂ္ဂက ရှုံ့ချထားသလိုအာဆီယံလွှတ်တော်ကိုယ်စားလှယ်များ လူ့အခွင့်အရေးအဖွဲ့(APHR)ကလည်းအကြမ်းဖက်စစ်ရာဇဝတ်မှု ကျုးလွန်သူအဖြစ် ထုတ်ပြန်ထားပါတယ်။
