သတင်း
NLD အစိုးရ လက်ထက် သဘာဝဘေးမှာ ကူညီကယ်ဆယ်ရေးဆောင်ရွက်ဖို့ ရဟတ်ယာဉ်တစ်စီး ကို ကုမ္ပဏီထံက ဌားရမ်းရာမှာ စာချုပ်ပါပျံသန်းချိန်ထက် လျော့နည်းပျံသန်းခဲ့ပြီး ဌားရမ်းခပိုမိုပေးချေတယ်ဆိုကာ စစ်ကောင်စီက အမှုလုပ်ပြီး တရားစွဲထားတာပါ။
Hi, what are you looking for?
NLD အစိုးရ လက်ထက် သဘာဝဘေးမှာ ကူညီကယ်ဆယ်ရေးဆောင်ရွက်ဖို့ ရဟတ်ယာဉ်တစ်စီး ကို ကုမ္ပဏီထံက ဌားရမ်းရာမှာ စာချုပ်ပါပျံသန်းချိန်ထက် လျော့နည်းပျံသန်းခဲ့ပြီး ဌားရမ်းခပိုမိုပေးချေတယ်ဆိုကာ စစ်ကောင်စီက အမှုလုပ်ပြီး တရားစွဲထားတာပါ။
တရားလိုဟာ စစ်ကောင်စီပြန်လည်ဖွဲ့စည်းလိုက်တဲ့အဂတိကော်မရှင်ကအရာရှိဖြစ်ပါတယ်။ ပြီးခဲ့တဲ့ ရုံးချိန်းမှာ တော့ တရားလို ကျန်းမာရေးအရခွင့်တိုင်ခဲ့တဲ့အတွက် စစ်ဆေးနိုင်ခြင်းမရှိခဲ့ပါဘူး။
တရားလိုဖြစ်သူ စစ်ကောင်စီလက်အောက်ခံ အဂတိကော်မရှင်က အရာရှိ ဦးအောင်ခန့်ဟာ ကျန်းမာရေးကြောင့် ဒီနေ့တရားခွင်ကိုရောက်မလာနိုင်တာလို့ တရားရုံးနဲ့ နီးစပ်သူတွေထံကသိရပါတယ်။
လာမယ့်ရုံးချိန်းကို မေလ ၁၆ ရက်ကို ချိန်းဆိုထားပြီး ဒီနေ့ ရုံးချိန်းမှာ သမ္မတ ဦးဝင်းမြင့် နဲ့ ဒေါ်အောင်ဆန်းစုကြည် တို့ကျန်းမာရေးကောင်းကြတယ်လို့သိရပါတယ်။
တရားလိုဖြစ်သူကို အပြန်အလှန်စစ်ဆေးဖို့အတွက် တရားရုံးက လာမယ့် ရက်သတ္တပတ်ရုံးချိန်းကို ချိန်းဆိုတယ်လို့သိရပါတယ်။
ဒီအမှုမှာ ဒေါ်အောင်ဆန်းစုကြည် ၊သမ္မတဦးဝင်းမြင့် ၊ ပြည်ထောင်စုအစိုးရအဖွဲ့ရုံးဝန်ကြီး ဦးမင်းသူတို့ကို ထောင်ဒဏ် ၃ နှစ်အထိ ချလို့ရတဲ့ ရာဇသတ်ကြီး ပုဒ်မ ၁၃၀ (က) နဲ့ စစ်ကောင်စီက တရားစွဲတာပါ။
အဲဒီအမှုအတွက် ဒီနေ့မှာတော့ တရားလိုဖြစ်သူ စစ်ကောင်စီ ရဲ့ ရွေးကောက်ပွဲ ကော်မရှင် ညွှန်ကြာရေးမှူး ဦးအောင်မျိုးလွင်ကို စစ်ဆေးခဲ့တယ်လို့သိရပါတယ်။