လက်ရှိဖြစ်ပေါ်နေသော မုန်တိုင်းငယ်အရှိန်ကြောင့် မော်လမြိုင်မြို့တွင် မိုးသည်းထန်ကာ မိုးသက်လေပြင်းတိုက်ခတ်၍ အိမ်ထောင်စု ၆၀ခန့် ဘေးလွတ်ရာရှောင်နေရကြောင်း လူမှုကူညီရေးလုပ်ဆောင်နေသူများထံမှ သတင်းရရှိသည်။
အဆိုပါ မုန်တိုင်းအရှိန်ကြောင့် မော်လမြိုင်တစ်မြို့လုံးနီးပါး သစ်ပင်ကြီးများ လဲပျိုခြင်း၊ ဓာတ်မီးတိုင်များကျိုးကျ၍ လမ်းများပိတ်ဆို့ခြင်း၊ ဓာတ်အားလိုင်းများပြတ်တောက်ခြင်းနှင့် နေအိမ်များပျက်စီးခြင်းများ ရင်ဆိုင်နေရကြောင်း လူမှုကူညီရေးလုပ်ဆောင်သူများက ပြောသည်။
![](https://i0.wp.com/www.ludunwayoo.com/wp-content/uploads/2022/05/281793959_385341806988611_3554343112185147087_n.jpg?resize=720%2C540&ssl=1)
![](https://i0.wp.com/www.ludunwayoo.com/wp-content/uploads/2022/05/282034958_385341880321937_622854201787204263_n.jpg?resize=720%2C540&ssl=1)
![](https://i0.wp.com/www.ludunwayoo.com/wp-content/uploads/2022/05/283103939_385341916988600_4558069190266456054_n.jpg?resize=720%2C540&ssl=1)
![](https://i0.wp.com/www.ludunwayoo.com/wp-content/uploads/2022/05/282009302_385341950321930_573537165853061855_n.jpg?resize=720%2C540&ssl=1)
လက်ရှိတွင် မော်လမြိုင်မြို့ရှိ သာယာအေးနှင့် ဇေယျာသီရီမြို့သစ်ရှိ ကားနားလမ်းအနီးဝန်း ကျင်နေအိမ်များမှာ တဲအိမ်များဖြစ်၍ ပိုမိုအထိနာလျက်ရှိပြီး အိမ်ထောင်စု ၆၀ ခန့်ကို ဓမ္မာရုံတစ်ခုသို့ ပြောင်းရွှေ့ထားရကြောင်း မော်လမြိုင်မြို့မှ လူမှုကူညီရေးလုပ်ဆောင်နေသူ ကိုဇင်မိုးက ၎င်း၏လူမှုကွန်ရက်မှတစ်ဆင့် အသိပေးသည်။
![](https://i0.wp.com/www.ludunwayoo.com/wp-content/uploads/2022/05/280806054_385341976988594_6581677338950626356_n.jpg?resize=720%2C540&ssl=1)
![](https://i0.wp.com/www.ludunwayoo.com/wp-content/uploads/2022/05/282108560_385342010321924_4978000656654742829_n.jpg?resize=720%2C720&ssl=1)
“ဓမ္မာရုံမှာ တိမ်းရှောင်ခိုင်းထားရတဲ့ ထမင်းထုပ်ဝေရမဲ့ မိသားစုတွေ ရှိနေပါပြီး။ ယခုညနေ (4:15)Pmအချိန်ထိလေရော မိုးရော အပြင်းထန်ဆုံးအခြေအနေမှာရှိနေဆဲပါ”ဟု ၎င်းက ပြောသည်။
ဘေးလွတ်ရာပြောင်းရွှေ့နေထိုင်ကြရသော လေဘေးသင့်ပြည်သူများတွင် သက်ကြီးရွယ်အိုများ၊ ကလေးသူငယ်များ၊ ကိုယ်ဝန်ဆောင်များပါဝင်နေသဖြင့် အကူအညီများလိုအပ်လျက်ရှိကြောင်း သိရသည်။
![](https://i0.wp.com/www.ludunwayoo.com/wp-content/uploads/2022/05/282768378_385342076988584_7922175023772488301_n.jpg?resize=720%2C404&ssl=1)
ကပ္ပလီပင်လယ်ပြင်(မုတ္တမကမ်းလွန်အနီး) ၌ဖြစ်ပွားနေသော မုန်တိုင်းငယ် Depression သည် မွန်ပြည်နယ် မော်လမြိုင်မြို့အနီးမှဖြတ်ကာ ကုန်းတွင်းမုန်တိုင်းငယ်အဖြစ် ဆက်လက်တည်ရှိနေကြောင်း မိုးလေဝသပညာရှင်များက အသိပေးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)