ဂျပန်နိုင်ငံ တိုကျိုမြို့သို့ ရောက်ရှိနေသည့် အမေရိကန်သမ္မတ ဂျိုးဘိုင်ဒန်အနေဖြင့် မြန်မာ့အရေးကူညီဆောင် ရွက်ပေးရန် ဂျပန်နိုင်ငံရောက် မြန်မာနိုင်ငံသားများက ယမန်နေ့ (မေလ ၂၂) တောင်းဆို ဆန္ဒပြခဲ့ကြသည်။
အမေရိကန်သမ္မတ ဂျိုးဘိုင်ဒန်သည် အင်ဒို-ပစိဖိတ်သမုဒ္ဒရာအတွင်း စစ်ရေးပူးပေါင်းရေး ၊ တရုတ်လွှမ်းမိုးမှု့ ကန့်သတ်ရေးကိစ္စများ ဆွေးနွေးရန်အတွက် မေလ ၂၂ ရက်က ဂျပန်နိုင်ငံ တိုကျိုမြို့သို့ ရောက်ရှိလာခဲ့ခြင်း ဖြစ်သည်။
သမ္မတ ဂျိုးဘိုင်ဒန် ရောက်ရှိလာချိန်မတိုင်မီ တိုကျိုမြို့ အမေရိကန် သံရုံးအနီးတဝိုက်၌ ဂျပန်ရောက် ဒီမိုကရေစီအရေးလိုလားသူ မြန်မာများစုပေါင်း၍ ဆန္ဒထုတ်ဖော်ခဲ့ကြခြင်း ဖြစ်သည်။
ဆန္ဒပြသူများက ပြီးခဲ့သည့် မေလ ၁၂/၁၃ရက်နေ့တွင် ကျင်းပခဲ့သည့် U.S ASEAN Special Summit အတွက် အာဆီယံ ဘုံသဘောတူညီမှု ၅ ချက်ကို စွန့်လွှတ်ရန်၊ မြန်မာ့ရေနံနှင့် သဘာဝဓာတ်ငွေ့ MOGE မှ လူသတ်လက်နတ်အဖြစ် ရရှိနေသော သွေးစွန်းငွေများအတွက် အမြန်ဆုံး ပိတ်ဆို့အရေးယူပေးရန် တောင်းဆိုခဲ့ကြသည်။
ထို့အပြင် အမေရိကန်အနေဖြင့် ဂျပန်အစိုးရအား မြန်မာ့အရေးကို စစ်မှန်သည့် ဒီမိုကရေစီလမ်းကြောင်းပေါ် အမြန်ဆုံးပြန်လည်ရောက်ရှိရေးအား ယခုထက်ပိုမို၍ ဖိအားပေး Sanction ချ ပြောဆိုပေးရန်တို့ကို တောင်းဆိုဆန္ဒပြခဲ့ကြသည်။
