စစ်ကိုင်းတိုင်း၊ ခင်ဦးနှင့် မြောင်မြို့နယ်တို့တွင် အကြမ်းဖက်စစ်ကောင်စီတပ် မီးရှို့ဖျက်ဆီးမှုကြောင့် ယနေ့တစ်ရက်တည်း အိမ်ခြေ ၁၈၀ကျော် ပြာကျခဲ့ကြောင်း ဒေသတွင်းသတင်းရင်းမြစ်များက ပြောသည်။
ရေဦးမြို့နယ် ပျဥ်ထောင်ကျေးရွာမှ စစ်ကောင်စီတပ်နှင့် ပျူစောထီးများသည် ယနေ့ (မေလ ၂၉ ရက်) နံနက် ၁၀နာရီအချိန်က ခင်ဦးမြို့နယ် သရက်ကုန်းကျေးရွာအား ကားသုံးစီးဖြင့်လာရောက်ပြီး လက်နက်ကြီး၊ငယ်များဖြင့် ပစ်ခတ် ဝင်ရောက်ခဲ့သည်။
![(မြောင်မြို့နယ် ဇရပ်ကုန်းကျေးရွာ မီးလောင်ကျွမ်းပြီးနောက် တွေ့ရစဥ်။)](https://i0.wp.com/www.ludunwayoo.com/wp-content/uploads/2022/05/283168956_391640483025410_4306795789672363864_n.png?resize=720%2C540&ssl=1)
![(မြောင်မြို့နယ် ဇရပ်ကုန်းကျေးရွာ မီးလောင်ကျွမ်းပြီးနောက် တွေ့ရစဥ်။)](https://i0.wp.com/www.ludunwayoo.com/wp-content/uploads/2022/05/284260526_391640546358737_5021484650237188662_n.png?resize=720%2C540&ssl=1)
ထို့နောက် မွန်းလွဲ ၁၂နာရီခွဲခန့်ကစပြီး ကျေးရွာအရှေ့ပိုင်းမှ စ၍ မီးတင်ရှို့ခဲ့ရာ နေအိမ်၈၀ကျော်မီးလောင်ကျွမ်းခဲ့ကြောင်း ဒေသခံများက ပြောသည်။
![](https://i0.wp.com/www.ludunwayoo.com/wp-content/uploads/2022/01/PSA_inside_Story_Jan22-03.jpg?resize=880%2C229&ssl=1)
အနီးနားရှိ ကျေးရွာ ငါးရွာထက်မနည်း ထွက်ပြေးတိမ်းရှောင်နေရပြီး ထိခိုက်ဒဏ်ရာရ ပြည်သူများလည်း ရှိနေကြောင်း ဒေသခံများက ပြောသည်။
![(မြောင်မြို့နယ် ဇရပ်ကုန်းကျေးရွာ မီးလောင်ကျွမ်းပြီးနောက် တွေ့ရစဥ်။)](https://i0.wp.com/www.ludunwayoo.com/wp-content/uploads/2022/05/283727321_391641106358681_1562867033347564619_n.png?resize=720%2C540&ssl=1)
![(မြောင်မြို့နယ် ဇရပ်ကုန်းကျေးရွာ မီးလောင်ကျွမ်းပြီးနောက် တွေ့ရစဥ်။)](https://i0.wp.com/www.ludunwayoo.com/wp-content/uploads/2022/05/283946112_391640633025395_8914459710063906809_n.png?resize=720%2C540&ssl=1)
အလားတူ မြောင်မြို့နယ် ဇရပ်ကုန်းကျေးရွာကိုလည်း စစ်ကောင်စီတပ်က နံနက် ၇နာရီခွဲခန့်တွင် ဝင်ရောက်မီးရှို့ဖျက်ဆီးခဲ့၍နေအိမ် ၁ဝဝခန့် ပြာကျခဲ့ကြောင်း ဒေသခံများက ပြောသည်။
ထိုသို့ အကြမ်းဖက်မီးရှို့ဖျက်ဆီးမှုများကြောင့် မြောင်နယ်နှင့် ခင်ဦးနယ်အသီးသီးရှိ ဒေသတွင်းပြည်သူ့ကာကွယ်ရေးအဖွဲ့များနှင့် တိုက်ပွဲများဖြစ်ပွားနေပြီး စစ်ကောင်စီတပ်ဘက်မှ ထိခိုက်သေဆုံးမှုများကြောင်း ပြည်သူ့ကာကွယ်ရေးအဖွဲ့များက ပြောသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)