အကြမ်းဖက်စစ်တပ်၏ မီးရှို့ခြင်းခံရသည့် ဒေသများအတွက် လုပ်ဆောင်နေသည့် အချက် ၈ ချက်ကို NUG လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာနက ထုတ်ပြန်လိုက်သည်။
![](https://i0.wp.com/www.ludunwayoo.com/wp-content/uploads/2022/05/283952726_390850599771065_7874763584971451967_n.jpg?resize=720%2C540&ssl=1)
အချက်အလက်များကို နေ့စဥ် စောင့်ကြည့် မှတ်တမ်းယူခြင်း၊ ထိခိုက်ခံစားရသော မိသားစုများကို လူသားချင်းစာနာမှု အရေးပေါ် အကူအညီ ပေးအပ်ခြင်း၊ အချို့သော တိမ်းရှောင်ရာ နေရာများတွင် ယာယီခိုလုံရာများ ဆောက်လုပ်ရန် ထောက်ပံ့ခြင်း တို့ကို NUG က လုပ်ဆောင်နေသည်ဟု ဖော်ပြသည်။
![](https://i0.wp.com/www.ludunwayoo.com/wp-content/uploads/2022/01/PSA_inside_Story_Jan22-03.jpg?resize=880%2C229&ssl=1)
ဆက်လက်ပြီး ဘေးဒုက္ခ ခံစားရသော ပြည်သူများကို စိတ်လူမှုဆိုင်ရာ နှစ်သိမ့်ဆွေးနွေးမှု ပေးခြင်း၊ ထိန်းချုပ်စိုးမိုးမှု ရရှိလာသော နယ်မြေများတွင် ပြန်လည်နေရာချထားရေးနှင့် ပြန်လည်ထူထောင်ရေး အစီအမံများ ချမှတ်ထားရှိခြင်း၊ အကြမ်းဖက်စစ်တပ်နှင့် လက်ပါးစေများ၏ နိုင်ငံတကာ လူသားချင်းစာနာထောက်ထားရေးနှင့် လူ့အခွင့်အရေးဆိုင်ရာ ဥပဒေများကို ချိုးဖောက်လျက်ရှိကြောင်း နိုင်ငံတကာက သိရှိစေရန် ဆောင်ရွက်ခြင်းတို့ကိုလည်း လုပ်ဆောင်နေသည်ဟု ဆိုသည်။
![](https://i0.wp.com/www.ludunwayoo.com/wp-content/uploads/2022/05/282622620_390850693104389_6064738086351719264_n.jpg?resize=720%2C539&ssl=1)
![](https://i0.wp.com/www.ludunwayoo.com/wp-content/uploads/2022/05/283682896_390850733104385_3004396550833887221_n.jpg?resize=720%2C539&ssl=1)
![](https://i0.wp.com/www.ludunwayoo.com/wp-content/uploads/2022/05/282752004_390850769771048_2774639464865446831_n.jpg?resize=720%2C540&ssl=1)
![](https://i0.wp.com/www.ludunwayoo.com/wp-content/uploads/2022/05/283334752_390850806437711_4378980780585134706_n.jpg?resize=720%2C341&ssl=1)
ယင်းနောက် အကြမ်းဖက် စစ်တပ်နှင့် လက်ပါးစေများက တစ်နေ့ထက် တစ်နေ့ ပိုမိုဆိုးရွားစွာ စစ်ရာဇဝတ်မှုများ ကျူးလွန်နေခြင်းကြောင့် ဒုက္ခသည်ဦးရေ တိုးပွားလျက်ရှိရာ လူသားချင်း စာနာမှု အကူအညီများကို နိုင်ငံတကာမှ ရရှိနိုင်ရေး ကြိုးပမ်းခြင်းနှင့် ပြည်တွင်းပြည်ပ ပြည်သူများ၏ ကူညီပံ့ပိုးမှုဖြင့် ထောက်ပံ့မှုများ ထိထိရောက်ရောက် ပေးနိုင်ရေး လုံခြုံရေးသတိဖြင့် ချိတ်ဆက်ဆောင်ရွက်ခြင်းများကို အစဥ်အမြဲ မြှင့်တင်အကောင်အထည် ဖော်လျက်ရှိခြင်းတို့ ပါဝင်သည်။
![](https://i0.wp.com/www.ludunwayoo.com/wp-content/uploads/2022/05/283464928_390850853104373_3056124176727568002_n.jpg?resize=880%2C495&ssl=1)
စစ်တပ်အာဏာသိမ်းချိန်ကစ၍ ၂၀၂၂ ဧပြီလကုန်အထိ စစ်ကောင်စီတပ်နှင့် လက်အောက်ခံအဖွဲ့အစည်းများက မီးရှို့သဖြင့် နိုင်ငံတဝန်းပျက်စီးသွားသည့် လူနေအိမ်ပေါင်း ခန့်မှန်းခြေ ၁၁,၄၁၇ လုံးရှိသည်ဟု Data For Myanmar က စာရင်းပြုစုထုတ်ပြန်သည်။
မီးရှို့ခံရသည့် ဖြစ်စဥ်များသည် နေရာပေါင်း၂၉၆ ခန့်တွင် ဖြစ်ပွားခဲ့ပြီး စစ်ကိုင်းတိုင်းတွင် အများဆုံးဖြစ်ကာ ၎င်း၏ နောက်တွင် မကွေး၊ ချင်း၊ ကရင်နီပြည်တို့ အစဥ်လိုက်ရပ်တည်နေသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)