“ပြာပုံကနေ ပြည်သစ်တည် အတူရုန်းကန် ဖေးမမည်”ဟု ကြွေးကြော်ခဲ့သည့် လက်ပံတောင်းသပိတ်

စစ်ကိုင်းတိုင်းအတွင်း နယ်မြေမငြိမ်သက်မှုများဖြစ်ပေါ်နေသော်လည်း ဆားလင်းကြီးမြို့နယ် လက်ပံတောင်းတောင်ဒေသ ကျေးရွာတစ်ရွာတွင် လူထုသပိတ်စစ်ကြောင်းသည် ယနေ့ (ဇွန်လ ၁) ညနေပိုင်း၌ စစ်အာဏာရှင် ဆန့်ကျင်ရေး အင်အားအများအပြားဖြင့် ချီတက် ဆန္ဒပြခဲ့ကြသည်။

ဆန္ဒပြပြည်သူများက “ပြာပုံကနေ ပြည်သစ်တည် အတူရုန်းကန် ဖေးမမည်” ဆိုသည့် စာသားကို ကိုင်ဆောင်ပြီး စစ်အာဏာရှင်စနစ် အမြစ်ဖြတ်ချေမှုန်းရေး လူထုကြွေးကြော်သံများဖြင့် ရွာအနှံ့ ချီတက်ခဲ့ကြသည်။