စစ်ကောင်စီတပ်က ချောင်းမီးတိုရွာကို မီးရှို့ဖျက်ဆီး
စစ်ကိုင်းတိုင်း၊ ဝက်လက်မြို့နယ်တွင် အကြမ်းဖက်စစ်ကောင်စီတပ်နှင့် ဒေသတွင်းပြည်သူ့ကာကွယ်ရေးအဖွဲ့များ တိုက်ပွဲဖြစ်ပွားရာ PDF ရဲဘော်သုံးဦးကျဆုံးခဲ့ရကြောင်း ဒေသတွင်းသတင်းရင်းမြစ်များက ပြောသည်။
အကြမ်းဖက်စစ်ကောင်စီတပ်သည် အနီးရှိ ချောင်းမီးတိုကျေးရွာကိုပါ မီးရှို့ဖျက်ဆီးခဲ့၍ နေအိမ် ၁ဝဝ ကျော် ပျက်စီးဆုံးရှုံးခဲ့ကြောင်း ၎င်းတို့က ပြောသည်။
![(ချောင်းမီးတိုကျေးရွာအား အကြမ်းဖက်စစ်တပ်က မီးရှို့ပြီးနောက် မြင်တွေ့ရစဥ်။ ဓာတ်ပုံ - ဝက်လက် PDF တပ်ရင်း - ၂၊ CJ)](https://i0.wp.com/www.ludunwayoo.com/wp-content/uploads/2022/06/286915427_399633292226129_3520443789002806984_n.jpg?resize=720%2C960&ssl=1)
![(ချောင်းမီးတိုကျေးရွာအား အကြမ်းဖက်စစ်တပ်က မီးရှို့ပြီးနောက် မြင်တွေ့ရစဥ်။ ဓာတ်ပုံ - ဝက်လက် PDF တပ်ရင်း - ၂၊ CJ)](https://i0.wp.com/www.ludunwayoo.com/wp-content/uploads/2022/06/286646105_399633402226118_1318928549354639973_n.png?resize=720%2C960&ssl=1)
ယမန်နေ့(ဇွန်လ၉ရက်နေ့) ညနေ ၅ နာရီခွဲခန့်က အင်အား၁၈ဦးပါသော စစ်ကောင်စီတပ် ကား ၂ စီးသည် ကျောက်မြောင်းဘက်မှ အမှတ်(၃)ဗျူဟာလမ်းအတိုင်း တောင်ဘက်သို့ ထွက်လာခဲ့သည်။
![](https://i0.wp.com/www.ludunwayoo.com/wp-content/uploads/2022/01/PSA_inside_Story_Jan22-03.jpg?resize=880%2C229&ssl=1)
စစ်ကောင်စီတပ်သည် ဝတ်စုံအနက်များဖြင့် PDF အယောင်ဆောင် ၀င်ရောက်လာပြီး ချောင်းမီးတိုရွာအနီးတွင် Local PDF များနှင့် အနီးကပ် ထိပ်တိုက်တွေ့ပစ်ခတ်မှုဖြစ်ပွားရာ PDF ရဲဘော်သုံးဦး ကျဆုံးကာ တစ်ဦး ဒဏ်ရာရပြီး ဒေသခံပြည်သူနှစ်ဦး ကျည်ထိမှန်ခဲ့ကြောင်း ဝက်လက်မြို့နယ် သတင်းမှန်ပြန်ကြားရေးက သတင်းထုတ်ပြန်သည်။
![(ချောင်းမီးတိုကျေးရွာအား အကြမ်းဖက်စစ်တပ်က မီးရှို့ပြီးနောက် မြင်တွေ့ရစဥ်။ ဓာတ်ပုံ - ဝက်လက် PDF တပ်ရင်း - ၂၊ CJ)](https://i0.wp.com/www.ludunwayoo.com/wp-content/uploads/2022/06/285820605_399633528892772_284609236459003669_n.png?resize=720%2C324&ssl=1)
![(ချောင်းမီးတိုကျေးရွာအား အကြမ်းဖက်စစ်တပ်က မီးရှို့ပြီးနောက် မြင်တွေ့ရစဥ်။ ဓာတ်ပုံ - ဝက်လက် PDF တပ်ရင်း - ၂၊ CJ)](https://i0.wp.com/www.ludunwayoo.com/wp-content/uploads/2022/06/286914172_399633788892746_10129239745638830_n.png?resize=720%2C324&ssl=1)
တိုက်ခိုက်ခံရပြီးနောက် ချောင်းမီးတိုရွာကိုမီးရှို့ဖျက်ဆီးရာ နေအိမ်၁၀၀ ကျော်နှင့်ဆိုင်ကယ်များ မီးလောင်ပျက်စီးခဲ့သည်။
ထို့အပြင် နွားအကောင် ၄၀ ကောင်ခန့်၊ ဆိတ် ၃၈ ကောင် မီးလောင်သေဆုံးပြီး အသက် ၈၀ ကျော် အဖွားအိုတစ်ဦး ပြင်းထန် မီးလောင်ဒဏ်ရာရရှိခဲ့ကြောင်း ဝက်လက်မြို့နယ် သတင်းမှန်ပြန်ကြားရေး၏ ထုတ်ပြန်ချက်တွင် ဖော်ပြသည်။
![(ချောင်းမီးတိုကျေးရွာအား အကြမ်းဖက်စစ်တပ်က မီးရှို့ပြီးနောက် မြင်တွေ့ရစဥ်။ ဓာတ်ပုံ - ဝက်လက် PDF တပ်ရင်း - ၂၊ CJ)](https://i0.wp.com/www.ludunwayoo.com/wp-content/uploads/2022/06/286702104_399633872226071_7111246037670802668_n.png?resize=720%2C324&ssl=1)
![(ချောင်းမီးတိုကျေးရွာအား အကြမ်းဖက်စစ်တပ်က မီးရှို့ပြီးနောက် မြင်တွေ့ရစဥ်။ ဓာတ်ပုံ - ဝက်လက် PDF တပ်ရင်း - ၂၊ CJ)](https://i0.wp.com/www.ludunwayoo.com/wp-content/uploads/2022/06/285993164_399634002226058_2242119672835977219_n.png?resize=720%2C324&ssl=1)
ညနေ ၆နာရီ ၄၅ မိနစ်ခန့်တွင် စစ်ကောင်စီတပ်သည် ဝက်လက်မြို့နယ်၊ ရှားကွဲအုပ်စု၊ ချောင်းမီးတိုကျေးရွာကို စတင်မီးရှို့ဖျက်ဆီးခဲ့ပြီး ကျေးရွာ၏ သုံးပုံနှစ်ပုံကျော်(ခန့်မှန်း) မီးလောင်ပျက်စီးခဲ့ကြောင်း ဝက်လက် PDF တပ်ရင်း – ၂က ထုတ်ပြန်သည်။ ချောင်းမီးတိုကျေးရွာသည် အကူအညီအထောက်အပံ့ များစွာလိုအပ်နေပြီး တပ်ရင်း – ၂မှတစ်ဆင့်လည်း ကူညီလှူဒါန်းနိုင်ကြောင်း ဝက်လက် PDFက ပြောသည်။
အခင်းဖြစ်ပွားရာ ခရိုင်ချင်းဆက်လမ်းကို ကန့်သတ်ထားသည့်အချိန်မှလွဲ၍ ပုံမှန်အတိုင်း ပြန်လည်အသုံးပြုနိုင်ကြောင်း ဝက်လက် PDFက ပြောသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)