စစ်ကိုင်းတိုင်း အင်းတော်မြို့နယ်အတွင်း၌ အင်အား ၃၀ခန့်ရှိ စစ်ကောင်စီတပ်စစ်ကြောင်းကို ကချင်လွတ် လပ်ရေးတပ်မတော်(KIA)က မိုင်းဆွဲတိုက်ခိုက်ခဲ့ကြောင်း Indaw Revolution က ဖော်ပြထားသည်။
ဇွန်လ ၁၂ရက် နံနက် ၁၀နာရီခန့်တွင် ကင်းပုန်းဝင်ရန်လာသည့် စစ်ကောင်စီတပ် စစ်ကြောင်းကို အင်းတော်မြို့နယ် မော်လူးနှင့် နန့်စီးအောင်ကြားလမ်းပိုင်း တစ်နေရာတွင် မိုင်းဆွဲတိုက်ခိုက်ခဲ့ခြင်းဖြစ်သည်ဟု ဆိုသည်။
အဆိုပါ တိုက်ခိုက်မှုကြောင့် စစ်ကောင်စီတပ်မှ ၉ဦးခန့် ထိခိုက်ဒဏ်ရာရရှိပြီး နှစ်ဦးခန့်မှာသေဆုံးမည့် အခြေ အနေရှိသည်ဟု တပ်တွင်းသတင်းပေးက ပြောကြားကြောင်း၊ မိုင်းထိဒဏ်ရာရသည့် စစ်ကောင်စီတပ်ဖွဲ့ဝင်များကို မိုးညှင်းမြို့ဘက်သို့ ပို့ဆောင်ခဲ့သည်ဟု သိရကြောင်း ဖော်ပြသည်။
မိုင်းဆွဲတိုက်ခိုက်ခံရသည့် စစ်ကောင်စီတပ်သည် လက် နက်ကြီးများ ရမ်းသမ်းပစ်ခတ်ခဲ့ပြီး လမ်းသွားလမ်းလာ ခရီးသွား ကားများ၊ဆိုင်ကယ်များကိုလည်းတားဆီးစစ်ဆေးခဲ့သည်ဟု ဆိုသည်။
