ကျိုက်ထိုမြို့နယ် ဂူဂူးကျေးရွာအနီးမှာ နယ်မြေကျူးကျော်ဝင်ရောက်လာတဲ့ စစ်ကောင်စီတပ်နဲ့ KNLA ပူးပေါင်းတပ်တွေအကြား ဒီကနေ့မွန်းလွဲပိုင်းက ထိတွေ့ပစ်ခတ်မှုဖြစ်ပွါးခဲ့တယ်လို့ ပြည်သူ့ကာကွယ်ရေးတပ်မတော် တပ်ရင်း ၃ က သတင်းထုတ်ပြန်ပါတယ်။
ဒီကနေ့မွန်းလွဲ ၂ နာရီခွဲအချိန်က ကေအဲန်ယူထိန်းချုပ်နယ်မြေဖြစ်တဲ့ ဒူးသထူ(သထုံ)ခရိုင် ဂူဂူးကျေးရွာအနီး နယ်မြေကျူးကျော်ဝင်ရောက်လာတဲ့ စစ်ကောင်စီတပ်ကို ပြည်သူ့ကာကွယ်ရေးတပ်မတော် တပ်ရင်း ၃ နဲ့KNLA ပူးပေါင်းတပ်ဖွဲ့တွေက ခြုံခိုတိုက်ခိုက်ခဲ့လို့ ၁၀ မိနစ်ခန့် နှစ်ဖက်ထိတွေ့မှုဖြစ်ပွါးခဲ့တာပါ။
![](https://i0.wp.com/www.ludunwayoo.com/wp-content/uploads/2022/01/PSA_inside_Story_Jan22-03.jpg?resize=880%2C229&ssl=1)
အဲ့ဒီတိုက်ပွဲမှာ ပြည်သူ့ကာကွယ်ရေးတပ်မတော်ဘက်က ရဲဘော်တစ်ဦး ထိခိုက်ဒဏ်ရာရရှိ (မစိုးရိမ်ရ)ခဲ့ပြီး စစ်ကောင်စီဘက်ကတော့ ထိခိုက်ကျဆုံးမှုကို မသိရှိရသေးဘူးလို့ တပ်ရင်း ၃ ရဲ့ထုတ်ပြန်ချက်အရ သိရပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)