အကြမ်းဖက်စစ်ကောင်စီတပ်က အင်းတော်မြို့နယ်အတွင်း စစ်ကြောင်းထိုးရာတွင် လမ်းမှာတွေ့သမျှပြည်သူတွေကိုဖမ်းဆီးပြီး လူသားဒိုင်းအသုံးပြုမှု ပိုစိပ်လာကြောင်း ဒေသကာ ကွယ်ရေးတပ်ဖွဲ့ Indaw Revolution – IR ကအသိပေးထုတ်ပြန်သည်။
ယနေ့(ဇွန် ၁၆) နံနက်ပိုင်းတွင်နဘားကျေးရွာဘက်စစ်ကြောင်းထိုးလာသည့် စစ်ကောင်စီတပ်မှ ကလေးတစ်ဦးအပါအဝင် ပြည်သူ ၁၀ ဦးကို ဖမ်းဆီးခေါ်ဆောင်ပြီးလူသားဒိုင်းအဖြစ်အသုံး ပြုမှုရှိနေကြောင်းဖော်ပြသည်။
အလားတူ ပြီးခဲ့သည့်ရက်ပိုင်းကလည်း ကမ်းနီရွာသား ၂၁ ဦးကို ဖမ်းဆီးပြီး စစ်ကြောင်းနှင့်အတူ လူသားဒိုင်းအဖြစ်ခေါ်ဆောင်သွားခဲ့သည်ဟု IR အဖွဲ့ကပြောသည်။
“ဒီဖက်အခေါ်ကတော့ ပေါ်တာဆွဲတယ်ပေါ့။ သူတို့(စကစတပ်)ကလူသားဒိုင်းအဖြစ်သုံးတာတင်မကသေးဘူး ပါလာသမျှအထုပ်အပိုးတွေပါထမ်းခိုင်း၊ သယ်ခိုင်းသေးတာ”ဟု Indaw Revolution – IR မှ ရဲဘော်တစ်ဦးက ပြော သည်။
လက်ရှိတွင် အကြမ်းဖက်စစ်ကောင်စီတပ်မှ အင်းတော်မြို့နယ်အား စစ်ကြောင်းသုံးကြောင်းခွဲ၍ စစ်ရေးလှုပ်ရှားမှုပြုလုပ်နေပြီး ၎င်းစစ် ကြောင်းများမှာ နဘား၊ မဲဇာနှင့် မော်လူး စသည့်ကျေးရွာများဘက်သို့ ရောက်ရှိနေကြောင်း အထက်ပါရဲဘော်က တက်ပြောသည်။
ယမန်နေ့(ဇွန် ၁၅)ကလည်းအင်းတော်မြို့အထက်ပိုင်းနဘားဘက်သို့ဝင်ရောက်နေသောစစ်ကြောင်းနှင့်အင်းတော်အောက်ပိုင်း ကျောင်းကုန်းဘက်သို့ဝင်ရောက်သောစစ်ကြောင်းများကို PDF ပူးပေါင်းတပ်များကမိုင်းဆွဲတိုက်ခိုက်ခဲ့သည်။
အင်းတော်နယ်အတွင်း စစ်ကြောင်းထိုးနေသည့်စစ်ကောင်စီတပ်စစ်ကြောင်းတစ်ကြောင်းတွင်အင်အား ၁၀၀ ဝန်းကျင်ခန့်ပါဝင်ကြောင်း သိရသည်။
