Total ၏ အမေရိကန်ဒေါ်လာ သန်း ၂၅၀ နှင့် ရှယ်ယာများ အကြမ်းဖက်စစ်အုပ်စုထံ မရောက်ရှိရေးအတွက် ပြင်သစ်အစိုးရကို ဦးတည်ဆန္ဒပြသည့်လှုပ်ရှားမှုတွင် ပါဝင်ပေးရန် Blood Money- သွေးစွန်းငွေက တောင်းဆိုထားသည်။
လာမည့် ဇူလိုင် ၂၀ တွင် Total စွမ်းအင်ကုမ္ပဏီသည် မြန်မာနိုင်ငံမှထွက်ခွာမည်ဖြစ်သော်လည်း အကြမ်းဖက်စစ်အုပ်စုကို ဒေါ်လာ သန်း ၂၅၀ နှင့် အကျိုးအမြတ်များစွာကို ပေးခဲ့ရန် ပြင်ဆင်နေရာ ပြင်သစ်အစိုးရ၏ အခန်းကဏ္ဍသည် အဆုံးအဖြတ်ပေးမည့် အဓိကနေရာတွင် ရှိနေသည်။
![Blood Money](https://i0.wp.com/www.ludunwayoo.com/wp-content/uploads/2022/06/288744344_404089518447173_2869932414504416274_n.jpg?resize=880%2C880&ssl=1)
![Blood Money](https://i0.wp.com/www.ludunwayoo.com/wp-content/uploads/2022/06/288627921_404089541780504_7997821922682081534_n.jpg?resize=880%2C880&ssl=1)
“ကလေးငယ်တွေ၊ လူငယ်တွေ၊ မြန်မာပြည်သူအားလုံးကို ထပ်မံသတ်ဖြတ်မယ့် ငွေကြေးတွေ စစ်အုပ်စုဆီမရောက်ဖို့ အားလုံးပါဝင်တားဆီးဖို့ မဖြစ်မနေလို့ပါတယ်” ဟု Blood Money က တိုက်တွန်းသည်။
![Blood Money](https://i0.wp.com/www.ludunwayoo.com/wp-content/uploads/2022/06/289010379_404089578447167_8325835152196158871_n.jpg?resize=880%2C880&ssl=1)
![Blood Money](https://i0.wp.com/www.ludunwayoo.com/wp-content/uploads/2022/06/288709018_404089628447162_8168276000196607288_n.jpg?resize=880%2C880&ssl=1)
ပြင်သစ်အစိုးရအနေဖြင့် Total ကို ကင်းလွတ်ခွင့်များမပေးရန်၊ ပြင်သစ်သမ္မတအနေဖြင့် Total က ရာဇဝတ်မှုများကို ထောက်ပံ့နေခြင်းအား ရပ်တန့်ရန် စသည့် တောင်းဆိုဆန္ဒပြလှုပ်ရှားမှု များတွင် ပါဝင်ရေးတိုက်တွန်းထားသည်။
![Blood Money](https://i0.wp.com/www.ludunwayoo.com/wp-content/uploads/2022/06/288808399_404089648447160_877349045650055053_n.jpg?resize=880%2C495&ssl=1)
ဖေ့ဘုတ်လူမှုကွန်ရက်သာမက Twitter လူမှုကွန်ရက်၌လည်း #2022Jun17Coup၊#FreezePaymentsToJunta၊ #NoExemption၊ #WhatsHappeningInMyanmar စသည့် Hashtags များဖြင့် ယနေ့(ဇွန် ၁၇ ရက်)တွင် ပူးပေါင်းပါဝင်ပေးရန် တောင်းဆိုထားသည်။
ထိုအပြင်ဓါတ်ပုံတင်၍၊ လက်မှတ်ထိုး၍ လှုပ်ရှားမှုတွင်ပါဝင်ရန်လည်းဖော်ပြထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)