တောင်ကြီးပညာရေးဒီဂရီကောလိပ်ကျောင်းသားများသမဂ္ဂ ရဲ့ အလုပ်အမှုဆောင်အဖွဲ့ဝင် စိုင်းစစ်အောင် ဟာ စစ်ကောင်စီတပ်ဖွဲ့ရဲ့ ဖမ်းဆီးခံလိုက်ရပြီး တစ်လခွဲကျော်ကြာမြင့်တဲ့အထိ အဆက်အသွယ်မရဖြစ်နေတယ်လို့သိရပါတယ်။
စိုင်းစစ်အောင်ကို ပြီးခဲ့တဲ့မေလ ၁၃ ရက် ကဖမ်းဆီးသွားတာဖြစ်ပြီး ဒီနေ့အချိန်ထိ ဖမ်းဆီးထားတဲ့ နေရာကိုမသိရကြောင်း တောင်ကြီး ပညာရေးဒီဂရီကောလိပ်ကျောင်းသားများသမဂ္ဂက ထုတ်ပြန်ပါတယ်။
သတင်းမရဘဲပျောက်ဆုံးနေတာကြောင့် အသက်အန္တရာယ်အတွက် စိုးရိမ်နေရတယ်လို့လည်းဆိုထားပါတယ်။
အသက် ၂၃ နှစ်အရွယ် စိုင်းစစ်အောင်ရဲ့ အသက်အန္တရာယ်လုံခြုံရေးနဲ့အဆက်အသွယ်တစုံတရာရရှိဖို့အတွက် အရပ်ဘက်အဖွဲအစည်းတွေ ၊နိုင်ငံတကာအဖွဲ့အစည်းတွေ ၊ ပြည်သူ့ရှေ့နေအဖွဲ့အစည်းတွေအပြင် တော်လှန်ရေးအဖွဲ့အစည်းတွေကလည်း တတ်နိုင်တဲ့ဘက်ကနေ ဝိုင်းဝန်ကူညီပေးကြဖို့ တောင်ကြီးပညာရေးဒီဂရီကောလိပ်ကျောင်းသားများသမဂ္ဂ က မေတ္တာရပ်ခံထားပါတယ်။
