အာဏာမသိမ်းမီနှင့် အာဏာသိမ်းပြီးနောက် မြန်မာစစ်တပ်၏ လူ့အခွင့်အရေးချိုးဖောက်မှုများ ကြောင့် အရေးယူဆောင်ရွက်ခဲ့မှုများကို ဖေ့စ်ဘုတ်ကုမ္ပဏီ Meta ၏ လူ့အခွင့်အရေးဆိုင်ရာအစီ ရင်ခံစာ၌ ဖော်ပြသည်။
Meta သည် ၎င်းတို့၏ ပထမဆုံးလူ့အခွင့်အရေးဆိုင်ရာအစီရင်ခံစာကို ယခုလတွင် ထုတ်ပြန် လိုက်ခြင်းဖြစ်ပြီး မြန်မာစစ်တပ်၏ လူ့အခွင့်အရေးချိုးဖောက်မှုများအပေါ် တုံ့ပြန်ဆောင်ရွက်အရေး ယူမှုများကို သီးခြားဖော်ပြထားခြင်းဖြစ်သည်။
ဖေ့စ်ဘုတ်သည် ၂၀၁၈ ကတည်းက စစ်တပ်၏ များပြားလှသော လူ့အခွင့်အရေးချိုးဖောက်မှုများ ကြောင့် တပ်မတော်ကာကွယ်ရေးဦးစီးချုပ်မင်းအောင်လှိုင်အပါအဝင် စစ်တပ်နှင့်ဆက်စပ်သော ပုဂ္ဂလိကအကောင့်များနှင့် အဖွဲ့အစည်းများ၏စာမျက်နှာ ၂၀ ကို စတင်ပိတ်ပင်ခဲ့သည်။
အာဏာသိမ်းပြီးနောက်တွင်လည်း မြန်မာစစ်တပ်၏ ကျူးလွန်နေဆဲအကြမ်းဖက်မှုများနှင့် လူ့အခွင့်အရေးချိုးဖောက်မှုများကြောင့် စစ်တပ်၊ စစ်တပ်ထိန်းချုပ်သော နိုင်ငံပိုင်မီဒီယာများ၊ စစ်တပ်နှင့် ဆက်နွယ်သော စီးပွားရေးလုပ်ငန်းများနှင့် အဖွဲ့အစည်းများ၏ စာမျက်နှာများ၊ ဂရုများ၊ အကောင့်များ၊ အင်စတာဂရမ် အကောင့်များကို ဖေ့စ်ဘုတ်က တားမြစ်ပိတ်ပင်ခဲ့သည်။
ထိုသို့တားမြစ်ပိတ်ပင်ရန် ဆုံးဖြတ်ချက်များကို အမေရိကန်၊ အီးယူနှင့် အခြားသောအစိုးရများ၏ အရေးယူပိတ်ဆို့မှုများ၊ ကုလသမဂ္ဂအချက်အလက်ရှာဖွေရေးမစ်ရှင်၏ တွေ့ရှိချက်အစီရင်ခံစာများအပေါ် အခြေခံလုပ်ဆောင်ခဲ့ခြင်းဖြစ်ကြောင်း Meta ကုမ္ပဏီက ဆိုသည်။
ဖေ့စ်ဘုတ်က အကြမ်းဖက်မြန်မာစစ်တပ်အပေါ် အထက်ပါအရေးယူဆောင်ရွက်မှုများလုပ်ဆောင်နေချိန်တွင် ကမ္ဘာ့ထိပ်တန်းနည်းပညာကုမ္ပဏီများဖြစ်သည့် Apple နှင့် Google တို့အနေဖြင့် လည်း စစ်တပ်နှင့်ဆက်နွှယ်သောအက်ပလီကေးရှင်းများကို ချက်ချင်းဖယ်ရှားရန် Justice For Myanmar က တောင်းဆိုသည်။
