●လိုက်နာမှုမရှိပါက ထိရောက်စွာအရေးယူမည်ဟုဆို
မြန်မာဘက်မှ အိန္ဒိယနိုင်ငံ မီဇိုရမ်ပြည်နယ်ဘက်သို့ နယ် စပ်ဖြတ်ကျော်၍ မူးယစ်ဆေးဝါးနှင့် စိတ်ကိုပြောင်းလဲစေ သောဆေးဝါးများသယ်ယူရောင်းချခြင်းမပြုရန်ချင်းအမျိုးသားအဖွဲ့ချုပ်(CNO/CNDF)ကယနေ့(ဇူလိုင် ၂၀)သတိပေးထုတ်ပြန်သည်။
အသိပေးထုတ်ပြန်ချက်အား လိုက်နာခြင်းမရှိပါက CNO/CNDF မှ ထိထိရောက်ရောက် အရေးယူဆောင်ရွက်သွားမည်ဖြစ်ကြောင်း ပြင်းထန်စွာ သတိပေးအပ်ပါသည်ဟု ဆိုသည်။
![(မီဇိုရမ် ပြည်နယ်တွင် မူးယစ်ဆေးဝါးမှုဖြင့် ဖမ်းဆီးအရေးယူခံရသော မြန်မာနိုင်ငံသားအချို့)](https://i0.wp.com/www.ludunwayoo.com/wp-content/uploads/2022/07/294184136_427507342772057_8904300672276725683_n.jpg?resize=880%2C790&ssl=1)
မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများကို မြန်မာနိုင်ငံဘက်မှ သယ်ယူပြီး အိန္ဒိယနိုင်ငံ၊ မီဇိုရမ်ပြည်နယ်အတွင်းသို့ ရောင်းချလုပ်ကိုင်နေသူ မြန်မာနိုင်ငံသား၊ ချင်းလူမျိုး အမြောက်အမြားကို ယခုရက်ပိုင်းတွင် မီဇိုရမ်ပြည်နယ် ရဲတပ်ဖွဲ့မှ ဖမ်းဆီးအရေးယူမှုများကို ဒေသထုတ်သတင်းများ၌ စက်ဆုပ်ဖွယ် တွေ့မြင်နေရသည်ဟု ဖော်ပြသည်။
![(မီဇိုရမ် ပြည်နယ်တွင် မူးယစ်ဆေးဝါးမှုဖြင့် ဖမ်းဆီးအရေးယူခံရသော မြန်မာနိုင်ငံသားအချို့)](https://i0.wp.com/www.ludunwayoo.com/wp-content/uploads/2022/07/294793671_427507519438706_6238866408089568374_n.jpg?resize=880%2C717&ssl=1)
နိုင်ငံရေး မတည်ငြိမ်မှုကြောင့် ချင်းပြည်သူများ စစ်ဘေးရှောင်ရင်း ဝင်ရောက်ခိုလှုံနေကြသည့် အခြေအနေနှင့် မီဇိုရမ်ပြည်နယ်သူ/သားတို့၏ လူသားချင်းစားနာထောက် ထားမှုဖြင့် လက်ခံကြိုဆို နေရာပေးနေမှုအပေါ် အခွင့် ကောင်းယူပြီး ဝိသမလောဘသားများ၊ ကိုယ်ကျိုးရှာ၊ တနပ်စားယုတ်မာသူ တချို့သည် မီဇိုရမ်ပြည်နယ်ဘက်သို့ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများကို သယ်ယူရောင်းချခြင်းလုပ်ဆောင်နေကြသည်ကို တွေ့ရှိရသည်ဟု ထုတ်ပြန်သည်။
![(မီဇိုရမ် ပြည်နယ်တွင် မူးယစ်ဆေးဝါးမှုဖြင့် ဖမ်းဆီးအရေးယူခံရသော မြန်မာနိုင်ငံသားအချို့)](https://i0.wp.com/www.ludunwayoo.com/wp-content/uploads/2022/07/295248794_427507576105367_4534035817203720612_n.jpg?resize=800%2C1024&ssl=1)
ထိုလုပ်ရပ်များအပေါ် CNO/CNDF အပါအဝင် ချင်းပြည်သူများသည် အလွန်အံ့အားသင့်သည့်အပြင် ယင်းလုပ် ဆောင်ချက်များကို အပြင်းအထန် ကန့်ကွက်ရှုတ်ချကြောင်း ဖော်ပြထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)