စစ်ကိုင်းတိုင်း၊ ကနီမြို့နယ်တွင် စစ်ကောင်စီတပ်နှင့် တစ်လနီးပါးကြာ ထိတွေ့တိုက်ပွဲ ဖြစ်ပွားပြီးနောက် အောင်ပွဲခံပြန်လာသည့် Myanmar Defense Force (MDF) အပါအဝင် PDF ရဲဘော်များကို ဒေသခံပြည်သူများက ယနေ့ (ဇန်နဝါရီ ၁၃) ကြိုဆိုခဲ့ကြသည်။
ပြီးခဲ့သည့် ဒီဇင်ဘာလအတွင်းက စတင်၍ ကနီမြို့နယ် ချင်းတွင်းမြစ်ကြောင်းတလျှောက် ကုန်းကြောင်း၊ ရေကြောင်းတို့ဖြင့် စစ်ကြောင်းထိုးလာသည့် စစ်ကောင်စီတပ်ဖွဲ့ဝင်များနှင့် တော်လှန်ရေးတပ်ဖွဲ့များအကြား ထိတွေ့တိုက်ပွဲ တစ်လနီးပါး ကြာမြင့်ခဲ့ပြီး တော်လှန်ရေးတပ်ဖွဲ့များက အောင်ပွဲဆင်နိုင်ခဲ့ကြောင်း MDF က ဖော်ပြခဲ့သည်။
![ဓာတ်ပုံ - MDF-ဗဟိုပြန်ကြားရေးကော်မတီ](https://i0.wp.com/www.ludunwayoo.com/wp-content/uploads/2023/01/321996040_3477622999229972_5070641119893285196_n.jpg?resize=720%2C960&ssl=1)
![ဓာတ်ပုံ - MDF-ဗဟိုပြန်ကြားရေးကော်မတီ](https://i0.wp.com/www.ludunwayoo.com/wp-content/uploads/2023/01/324754968_895072494860968_7699518790927772438_n.jpg?resize=880%2C885&ssl=1)
![ဓာတ်ပုံ - MDF-ဗဟိုပြန်ကြားရေးကော်မတီ](https://i0.wp.com/www.ludunwayoo.com/wp-content/uploads/2023/01/324670105_533417735225911_6535781956068936479_n.jpg?resize=880%2C660&ssl=1)
![ဓာတ်ပုံ - MDF-ဗဟိုပြန်ကြားရေးကော်မတီ](https://i0.wp.com/www.ludunwayoo.com/wp-content/uploads/2023/01/325277499_1054471098594508_2190480312792801446_n.jpg?resize=880%2C795&ssl=1)
အဆိုပါ ထိတွေ့တိုက်ပွဲအတွင်း စစ်ကောင်စီဘက်မှ ၅၀ကျော် သေဆုံးပြီး၊ စစ်ကောင်စီတပ်ထံမှ လက်နက်များ သိမ်းဆည်းရမိကြောင်း MDF အသိပေးထုတ်ပြန်သည်။
စစ်ကောင်စီတပ်များ အရှုံးဖြင့်ပြန်ဆုတ်သွားပြီးနောက် အောင်ပွဲဖြင့် ပြန်လာကြသည့် တော်လှန်ရေးတပ်ဖွဲ့များကို ကနီမြို့နယ်အတွင်းရှိ ကျေးရွာ ၂၀ နီးပါးမှ ဒေသခံပြည်သူအများအပြားက စုရပ် (၇)ခုတွင် စုဝေးကာ အောင်သပြေပန်းများ၊ အိုးစည်ဒိုးပတ် အကအခုန်များစွာဖြင့် ကြိုဆိုခဲ့ကြပြီး၊ အစားအသောက်များဖြင့် ကျွေးမွေးခြင်းနှင့် တော်လှန်ရေးထောက်ပံ့ငွေများလည်း လှူဒါန်းခဲ့ကြသည်။
![ဓာတ်ပုံ - MDF-ဗဟိုပြန်ကြားရေးကော်မတီ](https://i0.wp.com/www.ludunwayoo.com/wp-content/uploads/2023/01/324348651_1321930951897822_1257952792966278179_n.jpg?resize=880%2C660&ssl=1)
![ဓာတ်ပုံ - MDF-ဗဟိုပြန်ကြားရေးကော်မတီ](https://i0.wp.com/www.ludunwayoo.com/wp-content/uploads/2023/01/323774207_839347443813717_4946798936965691200_n.jpg?resize=880%2C660&ssl=1)
![ဓာတ်ပုံ - MDF-ဗဟိုပြန်ကြားရေးကော်မတီ](https://i0.wp.com/www.ludunwayoo.com/wp-content/uploads/2023/01/325460276_5856887521074946_2805364269374217553_n.png?resize=880%2C498&ssl=1)
အဆိုပါ အောင်ပွဲပြန်ကြိုဆိုပွဲသို့ MDF နှင့် ဒေသတွင်းတော်လှန်ရေး ခြောက်ဖွဲ့ခန့်မှ ပြည်သူ့ရဲဘော် ၁၀၀ကျော် တက်ရောက်ခံကြောင်း MDF က ဖော်ပြခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)