စစ်ကောင်စီတပ်သားငါးဦးသေဟု ZERO ပြောက်ကျားတပ်ဖွဲ့ပြော
စစ်ကိုင်းမြို့ တပ်မ(၃၃)မှ ထွက်လာသည့် ယာဥ်တန်းအား မိုင်းဆွဲတိုက်ခိုက်ရာ စစ်ကောင်စီ တပ်သားငါးဦးသေဆုံးကြောင်း ZERO ပြောက်ကျားတပ်ဖွဲ့(မြင်းခြံ)က ယနေ့ ထုတ်ပြန်သည်။
စစ်ကိုင်းမြို့ နတ်ခရိုင်နှင့်လယ်ကြီးကျေးရွာကြားတွင် ယမန်နေ့(ဇန်နဝါရီ ၁၇ ရက်) နေ့လည် ၂ နာရီခွဲခန့်က ပဒေသာမိုင်း ငါးလုံးဖြင့် တိုက်ခိုက်ခဲ့သည်ဟု ဆိုသည်။
“ကားပေါ်မှာ အင်အား ၃၀လောက်ပါတယ်။ကြိုတင်သတင်းရလို့ စောင့်ဆိုင်းတိုက်ခိုက်နိုင်ခဲ့တာ”ဟု ZERO ပြောက်ကျားတပ်ဖွဲ့ ခေါင်းဆောင် ကိုသက်ကြီးက ပြောသည်။
မိုင်းဆွဲခံရသည့် စစ်ကားမှာ ပျက်စီးသွားပြီးဆက် လက်မောင်းနှင်နိုင်ခြင်းမရှိဘဲ ခြေတော်ရာတပ်ထဲသို့ ဆွဲယူသွားရသည်ကိုလည်း ထောက်လှမ်းနိုင်ခဲ့သည်ဟု ၎င်းက အသိပေးသည်။
မိုင်းဆွဲပြီးနောက် စစ်ကောင်စီတပ်က အဆက်မပြတ်ပြန်လည်ပစ်ခတ်မှုများရှိသော်လည်း ရဲဘော်များ အန္တရာယ်ကင်းစွာ ပြန်လည်ဆုတ်ခွာနိုင်ခဲ့ကြောင်း ထုတ်ပြန်ချက်၌ ဖော်ပြသည်။
အဆိုပါ တိုက်ခိုက်မှုကို ZEROပြောက်ကျားတပ်ဖွဲ့ (မြင်းခြံ)နှင့် သရဲနီအဖွဲ့တို့မှ ပူပေါင်းဆောင်ရွက်ခဲ့ခြင်းဖြစ်သည်။
