ဒိုက်ဦးမြို့ အခြေစိုက် ခလရ(၃၀)တပ်သား အများအပြားထွက်ပြေးနေဟု သတင်းထွက်ပေါ်
တပ်မ(၆၆)လက်အောက်ခံ ခလရ – ၁၀၂မှ စစ်ကောင်စီတပ်သားတစ်ဦး လက်နက်အပြည့်အစုံ ဖြင့် CDM ဝင်ရောက်လာကြောင်း ကရင်နီပြည်သူ့ရင်ခွင်မှ တာဝန်ရှိသူတစ်ဦးက လူထုနွေဦးသို့ ပြောသည်။
ယနေ့(ဇန်နဝါရီ ၁၈ရက်)နံနက်ပိုင်းက အသက် (၂၃)နှစ်အရွယ် စစ်ကောင်စီတပ်သားစိုးဝင်းမှာ ကရင်နီအမျိုးသားများကာကွယ်ရေးတပ်(KNDF)တပ်ရင်း – ၁၀သို့ လက်နက်အပြည့် အစုံရောက်ရှိလာခဲ့ခြင်းဟု ဆိုသည်။
“ကျွန်တော်သိရသလောက် သူတို့တပ်တွင်းမှာလုံးဝ အဆင်မပြေတော့လို့ မနေ့ကညက ထွက် ပြေးလာတာလို့ လောလောဆယ်သိရတယ်။ကျန်တာတော့ တပ်ရင်းက စိစစ်နေဆဲပဲ”ဟု အထက် ပါတာဝန်ရှိသူက ရှင်းပြသည်။
ထို့အပြင် ၎င်းသည် ကရင်နီပြည်သို့ ရောက်ရှိလာသည်မှာ (၆)လရှိနေပြီး ယခင်တပ်တွင်း သုံးနှစ်ကျော်တာဝန်ထမ်းဆောင်သည့် ကာလအတွင်း ဖောက်ခွဲရေးတာဝန်ယူထားရကြောင်း ထွက်ဆိုထားသည်။
CDM ဝင်လာသည့် တပ်သားထံမှ MA-1 တစ်လက်၊ ကျည်ဘောက် ၄ဘောက်၊ ကျည်ဆံ ၂၆၀နှင့် လက်ပစ်ဗုံးတစ်လုံးပါရှိသည်။
KNDF တပ်ရင်း-၁၀ တပ်ရင်းမှ လက်နက်နှင့်အတူ CDM ပြုလုပ်သည့်တပ်သားကို ဂုဏ်ပြုငွေ ကျပ်သိန်း ၃၀ပေးအပ်ချီးမြင့်ထားကြောင်းလည်း သိရသည်။
ဒီးမော့ဆိုမြို့နယ် ငွေတောင်အခြေစိုက် ခလရ (၁၀၂)တပ်ရင်းသည် ယမန်နှစ် စက်တင်ဘာ ၂၂ ရက်က တပ်တွင်းပြင်းထန်သည့်ပေါက်ကွဲမှု ဖြစ်ပွားခဲ့သည်။
ခလရ (၁၀၂)တပ်သည် ကရင်နီဒေသတွင်းတိုက်ပွဲများ၌ လက်နက်ကြီးပစ်ကူပေးနေသည့် တပ်စခန်းဖြစ်သည်။
ထို့အပြင် ပဲခူးတိုင်း၊ဒိုက်ဦးမြို့နယ်၊ ကျိုက်စကောကျေးရွာ ခလရ(၃၀)တပ်ရင်းမှ ဗိုလ်မှူးကိုယ်တိုင်ဦးစီးသော စစ်သား(၄၀)ကျော်သည် လွန်ခဲ့သော ဇန်နဝါရီ ၁၄ ရက်ကစ၍ တပ်တွင်းမှ ပျောက်ဆုံးထွက်ပြေးမှုရှိခဲ့သည်ဟု ဒေသခံသတင်းရင်းမြစ်က အသိပေးသည်။
သို့သော် အဆိုပါသတင်းအချက်အလက်နှင့်ဆက်စပ်၍ လူထုနွေဦးမှ သီးခြားအတည်ပြု၍ မရသေးပေ။
