အာဏာသိမ်းကာလအတွင်း စစ်ကိုင်းတိုင်း၊ ကန့်ဘလူခရိုင်ထဲမှာ စစ်ဘေးရှောင်ရင်း ပြည်သူ ၆၁ ဦး မြွေဆိုးကိုက်ခံရကာ ၅ဦးသေဆုံးခဲ့ရတယ်လို့ ကန့်ဘလူနယ် ကျွန်းလှ တက်ကြွလှုပ်ရှားသူများအဖွဲ့ဆီကသိရပါတယ်။
မြေကိုက်ခံရသူ ၆၁ ဦးမှာ အမျိုးသား ၄၅ ဦးနဲ့အမျိုးသမီး ၁၆ ဦးဖြစ်ပြီး သေဆုံး သူ ၅ ဦးဟာ ဆေးကုသမှု အချိန်မီမရလိုက်လို့ ဖြစ်တယ်လို့အဲဒီအဖွဲ့ကဆိုပါတယ်။
သေဆုံးခဲ့ရသူ ၅ဦးမှာ အသက် ၈ နှစ်နဲ့ ၉ နှစ်အရွယ် ကလေး ၂ ဦးပါဝင်တယ်လို့ကျွန်းလှတက်ကြွလှုပ်ရှားသူများအဖွဲ့ရဲ့စာရင်းမှာဖော်ပြပါတယ်။
လက်ရှိဧပြီလထဲမှာတင် စစ်ရှောင် ၄ ဦး မြွေကိုက်ခံရပါတယ်။ အဲဒီ ၄ ဦးထဲမှာလည်း ၂ ဦး ဟာ အချိန်မီဆေးကုသမှုမရလိုက်လို့သေဆုံးခဲ့ရတယ်လို့ သိရပါတယ်။
စစ်ရှောင်တွေ အများဆုံးအကိုက်ခံရတဲ့မြွေဟာ အဆိပ်ပြင်းတဲ့ မြွေပွေးအမျိုးအစားဖြစ်တာတွေ့ရပါတယ်။
ဒါအပြင် နယ်မြေဒေသအခြေအနေအရ မြွေဆိပ်ဖြေဆေးအချိန်မီရဖို့ ခက်ခဲနေကြတယ်လို့ သိရပါတယ်။
