Ötən gecə Sumqayıtda kütləvi zəhərlənmə baş verib. Hadisə “SOCAR Polymer” zavudunun yaxınlığında baş verib. Belə ki, gecə saatlarında oradan keçən 12 nəfər zavoddan havaya buraxılmış qazdan zəhərləniblər.
Sumqayıt şəhər Səhiyyə İdarəsinin baş həkimi Nəriman Baxşəliyev faktı Lent.az təsdiq edib. Onun sözlərinə görə, zəhərlənən 12 nəfər dərhal xəstəxanaya yerləşdirilib: “İlkin tibbi yardım göstərildikdən sonra evə buraxılıblar.
Araşdırma nəticəsində bəli olub ki, 12 nəfər ammiak qazından zəhərlənib. Bizə məlumat daxil olan kimi həkim qrupu hadisə yerinə baxış keçiriblər. Məlum olub ki, qısa müddətli zavoddan havaya zəhərli qaz buraxılıb və dərhal da qarşısı alınıb”.
***
Sumqayıtda kütləvi zəhərlənmə baş verib. Hadisə ötən gecə şəhərin Səməd Vurğun küçəsinin dənizkənarı istiqamətində zavodlar yerləşən ərazidə baş verib. Həmin ərazidən keçən 12 nəfər zəhərlənib.
1984-cü il təvəllüdlü Həsənova Hədiyyə Mehman qızı, 1987-ci il təvəllüdlü Həsənov Hüseyn Mehman oğlu, 1972-ci il təvəllüdlü Abdullayeva Mətanət Hacı qızı, 1999-cu il təvəllüdlü Novruzov Talıb Rəşad oğlu, 1969-cu il təvəllüdlü Aslanova Zabər Bəşir qızı, 1986-cı il təvəllüdlü Mürsəlov Ramiz Rüstəm oğlu, 1977-ci il təvəllüdlü Abdullayev Ariz Hacı oğlu, 1963-cü il təvəllüdlü Məmmədov Ruslan Alik oğlu, 1984-cü il təvəllüdlü Muxtarov Seymur Muxtar oğlu, 1983-cü il təvəllüdlü Məmmədov Məhəmməd Əliəkbər oğlu, 1978-ci il təvəllüdlü Məmmədov Müqabil Əliəkbər oğlu və 1999-cu il təvəllüdlü Dadaşov Akif Asif oğlu kimyəvi maddə ilə kəskin inqalyasion zəhərlənmə diaqnozu ilə Sumqayıt şəhər Təcili Tibbi Yardım Xəstəxanasına yerləşdiriliblər.
Zəhərlənənlərdən 11 nəfərinə ilkin tibbi yardım göstərilərək evə buraxılıb. Abdullayeva Mətanət Hacı qızının vəziyyəti ağır olduğundan reanimasiyaya yerləşdirilib və sonradan palataya köçürülüb.
İlkin ehtimala görə onlar Hacı Zeynalabdin qəsəbəsi istiqamətində olarkən müəssisələrdən birinin qarşısından keçərkən zəhərləniblər. Məlumata görə, havaya tüstü buraxılıb və məhz bu səbəbdən də məlum hadisə baş verib.
Oxunub: 428
