စစ်ကိုင်းတိုင်း ကသာမြို့နယ်အတွင်း စစ်ကြောင်းလှည့်နေသည့် စစ်ကောင်စီတပ်မှ တပ်သား ၅ဦး CDM ပြုလုပ်လာကြောင်း ကသာမြို့နယ် ပြည်သူ့ကာကွယ်ရေးတပ်ဖွဲ့(ပကဖ)က ယနေ့ သတင်းထုတ်ပြန်သည်။
မေလ ၁၆ရက်က ကသာမြို့နယ်၌ စစ်ကြောင်းလှည့်နေသည့် စစ်ကောင်စီတပ်၏ ခမရ ၄၁၆ မှ တပ်သား ၄ဦးနှင့် မေလ ၁၉ရက်တွင် ခမရ ၃၈၅ မှ တပ်သား ၁ဦး တို့ ထွက်ပြေးလာပြီး CDM ပြုလုပ်လာကြောင်း ဖော်ပြထားသည်။
ထွက်ပြေးလားသည့် စစ်ကောင်စီတပ်သားများ၌ လက်နက်ခဲယမ်းများ ပါဝင်ခြင်းရှိမရှိကိုမူဖော်ပြမထားပေ။
အကြမ်းဖက် စစ်တပ်၏ လုပ်ရပ်များကို လက်မခံတော့သည့် စစ်သားနှင့်ရဲများသည် စစ်တပ်ရှေ့ တန်းစခန်းများမှ ထွက်ပြေးကြပြီး နီစပ်ရာ ပြည်သူများမှတဆင့် ပြည်သူ့ရင်ခွင်သို့ဆက်သွယ်ကာ CDM လုပ်ပေးရန် ပြောဆိုမှုများကြောင့် ကသာမြို့နယ် ပြည်သူ့ရင်ခွင်သို့ ရောက်ရှိခိုလှုံလာသော CDM ရဲနှင့်စစ်သား ၆၁ဦးရှိလာပြီဟု ကသာ ပကဖက အသိပေးထားသည်။
စစ်ကောင်စီတပ်သည် ကသာအပါအဝင် စစ်ကိုင်းတိုင်းအတွင်းရှိ မြို့နယ်များမှ ကျေးရွာများကို မီးရှို့ဖျက်ဆီးမှုများ ဆက်တိုက်ပြုလုပ်လျက်ရှိသကဲ့သို့ ဒေသခံ ကာကွယ်ရေးတပ်များနှင့် စစ်ကောင်စီတပ်များအကြား တိုက်ပွဲများ မကြာခဏ ဖြစ်ပွားနေသည်။
