စစ်ကိုင်းတိုင်း၊ မြောင်မြို့နယ်ရှိ စစ်ကောင်စီ၏ ရဲတပ်ဖွဲ့မြို့နယ်မှူးနေအိမ်နှင့် မီးသတ်ရုံးတို့ကို တိုက်ခိုက်ခဲ့ရာ စစ်ကောင်စီအဖွဲ့ဝင် လေးဦးသေဆုံးကြောင်း မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့ – CDSOMက ထုတ်ပြန်သည်။
အကြမ်းဖက်စစ်တပ်က သာလွန်အင်အားဖြင့်မြောင်မြို့နယ်ရှိ ကျေးရွာများကို နေ့စဥ် မီးရှို့ဖျက်ဆီးခြင်းနှင့် အပြစ်မဲ့ပြည်သူများအား သတ်ဖြတ်ခြင်းများအတွက်တန်ပြန်တိုက်ခိုက်ခဲ့ခြင်းဟု ဆိုသည်။
ယမန်နေ့(မေ ၂၁ ရက်) တိုက်ခိုက်ခဲ့သော စစ်ကောင်စီအဖွဲ့ဝင် မြို့နယ်မှူးအိမ်အနီးရှိ ကင်းတဲအတွင်းသို့ အီနာဂါစစ်ဆင်ရေးဆောင်ရွက်ခဲ့ရာ စစ်ကောင်စီအဖွဲ့ဝင်သုံးဦးသေဆုံးပြီး နှစ်ဦးဒဏ်ရာရရှိသည်ဟု ဖော်ပြသည်။
အလားတူ မီးသတ်ဌာနကိုလည်း အီနာဂါစစ်ဆင်ရေး ဆောင်ရွက်ခဲ့ရာ မီးသတ်ကားတစ်စီးပျက်စီးသွားပြီး စစ်ကောင်စီတပ်ဖွဲ့ဝင်တစ်ဦး သေဆုံးကာ နှစ်ဦးဒဏ်ရာရရှိကြောင်း အသိပေးထားသည်။
![](https://i0.wp.com/www.ludunwayoo.com/wp-content/uploads/2022/05/281350710_386399546882837_4354653441216470346_n.jpg?resize=679%2C960&ssl=1)
![](https://i0.wp.com/www.ludunwayoo.com/wp-content/uploads/2022/05/283244887_386399910216134_1039734859023822412_n.jpg?resize=880%2C1245&ssl=1)
အဆိုပါစစ်ဆင်ရေးကို မြောင်မြို့နယ်ပြည်သူ့ကာကွယ် ရေးနှင့်လုံခြုံရေးအဖွဲ့ – CDSOM အရှေ့မြောက်ပိုင်းတိုက်ခိုက်ရေးနှင့် ကာကွယ်ရေးအဖွဲ့ ကိုမင်းယက္ခ၊ ကိုဆင်ရိုင်း၊ ကိုမင်းဒေဝါတို့ ဦးဆောင်မှုဖြင့် CDSOM မြောက်ပိုင်းတိုက် ခိုက်ရေးနှင့်ကာကွယ်ရေးအဖွဲ့ ကိုနတ်မြင်း၊ စစ်ကိုင်းခရိုင်တပ်ရင်း (၁)၊ (၂) တပ်ခွဲ – ၃ ပြည်သူ့တပ်မတော် (မြောင်)– Myaung Union Army၊ ကန္တာရသိမ်းငှက်၊ Young Fighter People’s Defense Force Of Myaung၊ Black Eagle Defense Force နှင့် Myinmu Civil Revolu tion Force – CRF တို့မှ ပူးပေါင်းဆောင်ရွက်ခဲ့ကြောင်း သိရသည်။
ယခုလ တတိယပတ်သုံးရက်အတွင်း စစ်ကောင်စီတပ်က မြောင်မြို့နယ်ကျေးရွာ ရှစ်ရွာကို မီးရှို့ခဲ့ပြီး စစ်ဘေးရှောင်ပြည်သူ ၅,၀၀၀ ကျော်အထိ ရှာလာကြောင်းလည်း ဒေသခံသတင်းရင်းမြစ်များက ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)