ရှမ်းပြည်နယ်တောင်ပိုင်း၊ ဖယ်ခုံမြို့ အရှေ့ဘက်ကမ်းဒေသ ၁၀ရက်ကြာတိုက်ပွဲတွင် စစ်ကောင် စီတပ်မှ ၃၀ ထက်မနည်းသေဆုံးကြောင်း ကရင်နီအမျိုးသားများကာကွယ်ရေးတပ်(KNDF)တပ် ရင်း – ၃က ယနေ့ (မေ ၂၄ ရက်)တွင် ထုတ်ပြန်သည်။
ထို့အပြင် ယနေ့ နံနက်၄ နာရီ မိနစ် ၂၀ခန့်တွင် ဆီးမီးလော့ရွာအောက်ဘက်ရှိ စစ်ကောင်စီတပ်စခန်းကို ကရင်နီပူးပေါင်းတပ်ဖွဲ့များမှ သွား ရောက်ရှင်းလင်းခဲ့ကြောင်း အသိပေးသည်။
စခန်းချနေသောစစ်သားများ ပြန်လည်ဆုတ်ခွာသွားသော်လည်း မှိုင်းထောင်ထားခဲ့ခြင်းကြောင့် ပြည်သူ့ကာကွယ်ရေးတပ်ဖွဲ့များက ဖယ်ရှားကာ ဖောက်ခွဲဖျက်ဆီးခဲ့သည်ဟု ဆိုသည်။
စခန်းနယ်မြေရှင်းလင်းစဥ်တွင်လည်းမိုးဗြဲမြို့ အခြေစိုက် ခမရ – ၄၂၂ တပ်ရင်းမှ လက်နက်ကြီးများပစ်ခတ်ခြိမ်းခြောက်ခဲ့သည်ဟု ဖော်ပြသည်။
ညောင်ရွှေမြို့နယ်၊ထီရိကျေးရွာ၌ တပ်စွဲထားသော စစ်ကောင်စီတပ်ကို ယခုလ ၁၂ ရက်က ကရင်နီပူးပေါင်းတပ်ဖွဲ့က ဝင်ရောက်သိမ်းပိုက်နိုင်ခဲ့ပြီးနောက်တစ်ရက်တွင် စစ်ကောင်စီတပ်
ကသာလွန်အင်အားဖြင့် ညောင်ရွှေမြို့နယ် တောင်ပို့ကွဲ ၊ဆောင်နန်းခဲရွာဖက်မှစတင်စစ် ကြောင်းထိုးခဲ့သည်။
ထိုစစ်ကြောင်းနှင့် မေလ ၁၅ ရက်တွင် စတင်ထိတွေ့မှုဖြစ်ပွားပြီးနောက် နေ့စဥ် တိုက်ပွဲများဖြစ်ပေါ်ခဲ့သည်။
တိုက်ပွဲအတွင်း KNDF တပ်ရင်း ၃ မှ ရဲဘော်တစ် ဦးအပါအဝင် ပြည်သူ့ကာကွယ်ရေးတပ်ဖွဲ့ဝင်လေးဦးကျဆုံးခဲ့ကာ (၁၀၀၈)တပ်ရင်း၊ ဖယ်ခုံ PDF တပ်ရင်း -၂ ၊ အင်းလေး PDF ၊ အလယ်ပိုင်းတိုင်းအထူးစစ်ဆေးရေးအဖွဲ့၊ တပ်ရင်း (၁၀၀၅)၊ KNDF နှင့် ဒေသခံကာကွယ်ရေးတပ်ဖွဲ့များ ကာကွယ် ရေးတပ်များ ပူးပေါင်းတိုက်ခိုက်ခဲ့သည်။
